قصة بعنوان حاسدة غيور بقلم نرمين عادل
كل حاجه في الطبيخ استاذه في اللبس بتقول لي البس اشاره ايه ولونه ايه مع لبس ايه عارفه يا ماما امبارح قالت لي ايه
نرجس
قولي يا اختي واديني ببلع كلامك بطبق العنب ده اللي اديته لي وانا طالعه
هدى بتضحك
يعني مدياكي طبق عنب وطالعه بتتكلمي عليها ومتغاظه منها والنبي يا ماما ده انت حكايه لولا اني عارفه انك قلبك ابيض كنت زعلت منك عموما هقول لك امبارح كنت بسالها البس ايه قالت لي شوفي ربنا ومخلوقات ربنا ما فهمتش
يعني ايه كلامها يعني ايه شوفي مخلوقات ربنا ما احنا شايفينها ليل ونهار قصادنا
هدى
انا كنت مستغربه كده يا ماما قالت لي ادخلي على النت واكتبي طيور بريه هتلاقي اشكال والوان وقعدت جنبي يا ماما وجابت لي من على تليفونها اشكال الطيور الملونه قالت لي شوفي الطيور دي الوان ريشها ازاي وشكلي لبسك على نفس الوانها صدقيني هتطلعي في قمه الشياكه اصل ما فيش احسن من خلق ربنا
انا تعبت والضغط علي هاخد حبايه الضغط وغور من شكلك وحط راسي على المخده وانام ولما يجي الشملوله ابوكي بعد ما يكون عدى على الست اخته عشان تدعي له دعوتين حلوين تبقي تصحيني يا حبيبتي
بقلمي
نرمين همام
قصص نيمو
اليوم الثاني
بيت الدجال
نرجس
اديني جيت لك في الميعاد ومعايا 7000 جنيه خلص اللي جابه اهلي لان انا زهقت وخاېفه اعمل فيها مصېبه اروح فيها في كلبوش خلص نفسك وشوف شغلك والا هروح لغيرك وانتم على قفا من يشيل
بتتكلمي كده ليه يا نرجس مش خاېفه اؤذيكي
نرجس
اذيني ده انا بشوفهم بيرقصوا قصادي عارف ما بيجيليش مزاج كده غير وانا قاعده لوحدي واشغل من على النت من التليفون اغاني هزار وافضل اتميل كده واجي كده انت عارف ساعتها مودي بيبقى حلو
الدجال بيضحك
طيب يا ام مودي حلو فكرت لك في فكره ما فيش زيها بس تجيبي لي شعرها شعره حتى من اللي واقعين في الارض ما هو كل الستات على السجاد شعرهم موجود
ايوه ده انا عندي السجاد مليان شعر
الدجال
انا مالي ومالك انا بقول عليها هي تقومي بالواجب معاها وتجيبي الشعر وحاجه كمان انت مش بتقولي ان جوزك ناوي يطلع الحج هو واهله
نرجس
ايوه قال وقال لي تيجي تطلعي معانا هنحجز كلنا ما انت عارف جوزي عنده محلات بتاعه ابوه وهو اللي بيباشرها والخيبه والحسره انه بيدي لاخواته نصيبهم ما بيقولش انا واقف وبتعب ولا بيشيل لنفسه حاجه زياده لا ويقول لي ده حق ربنا زي ما اختي قالت لي
خلصيني بقى وافهمي بطلي شكيان عرفنا انها مطهقاكي في عيشتك وعلى فكره انا ما يهمنيش هي عامله لك ايه ولا انت عايزه تخلصي منها بسبب ايه اهم حاجه عندي الفلوس الحلوه دي اللي انت حطيتهم لي في حجري
نرجس
ايوه هيطلعوا وكمان حاجزين مع واحد قريبهم وبيقولوا الحاجه هناك اخر جمال اصلهم طلعوا معاه من يجي كده ست سنين فاتت
المره دي عايزك بقى انت تطلعي
نرجس
اطلع حج ليه بقى ان شاء الله انا هقعد هنا علشان خاطر الدبيح اكون واقفه عليه ولا عاوز الجزار ياكلنا ولا العمال ياخدوا كثير واللحمه تضيع علينا
الدجال
يا وليه بطلي رمامه المره دي هي اللحمه هتروح فين ده انتم عندكم شيء وشويات
