قصة بعنوان حاسدة غيور بقلم نرمين عادل

اللي هي بتحطها تبقى ريحه لا مؤاخذه ما حدش يطيقها وعايزه جوزها اللي بيحترمها ده يتف عليها
الدجال 
هقعد النهارده اشاور نفسي وبكره من النجمه تيجي لي وتجيبي معاكي بكاوي كثير مش الباكوين اللي بتجيبهم لي كل مره فاهمه ولا لا نرجس يا بنت سعديه
في بيت العيله
جميله
ايه يا نرجس كنت فين كل ده في السوق تصدقي قلقت عليك ده انت خرجتي من غير ما تفطري تعالي ادخلي افطري معايا قبل ما تطلعي شقتك
نرجس
عينيا يا اختي ده انا يا دوبك جبت شويه الطلبات دول والدنيا زحمه والناس فوق بعض عقبال ما لقيت ميكروباص نطيت فيه وجيت بسرعه
جميله بتضحك
بتضحكيني بطريقه كلامك دي تعالي عندي خير ربنا كثير كله من خير ابويا الله يرحمه وخير جوزك
نرجس بصوت واطي
ايوه من خير جوزي
جميله
ايوه اقعدي هنا حطي الحاجه على الترابيزه واقعدي هنا على الكنبه اللي جنب الشباك الدنيا حر والشباك ده بيجيب طراوه
نرجس
كويس هخلع الاشارب واقعد
جميله پخوف
تقلعي ايه يا شيخه لا حرام ما تقلعيش وتوري شعرك لحد العماير اللي قدامنا فيها ناس قاعده في بلكوناتها ما انت شايفاني اهو لابسه الاسدال واهو البيت من تحت لفوق بيت ابويا وشقق اخواتي في شقتي بس الستره وجبه يا اختي
نرجس بغيظ
ايوه طبعا الصوت وجبه يا سلام عليك كده يا جميله لما اقعد معاكي وبتفهميني كل حاجه في الدين
جميله
على فكره ده واجبي  مش بامن عليكم بيه ولما بجمعكم كلكم هنا علشان انصحكم وانصح بناتكم على فكره السنين بتعدي وبنموت مش بيتبقلنا غير العمل اللي بنعمله اعمالنا الطيبه يعني اه يمكن حد يعمل حاجه كويسه بسبب الكلام ده تشفع لي عند ربنا
نرجس
يا اختي ربنا يديك الصحه وطوله العمر ده انت لسه صغيره
جميله
وهو احنا لما نقابل ربنا فيها كبيره وصغيره يا اختي يا عالم ده احنا نفس داخل ونفس طالع ده انا ممكن اغمض عيني دلوقتي اصحى على يوم القيامه
نرجس
والنبي بتضحكيني دمك خفيف والله على اكلك ده طعمه زي العسل قولي لي يا اختي انت عامله الاكله دي ازاي
جميله
اكله ايه بس يا نرجس ده انت اللي بتضحكيني جسمها كيكه قدره قادر طلباتها كثيره بحط لبن وبيض ولبن بودره هقول لك حاجه كمان يومين هجيب مقاديرها وهعملها لك عندك في شقتك فوق
شقه نرجس
نرجس
اه ياني منها لو تجيلها غوره لو ينفع اقلبها من حته الا فرساني حاسه ان مرارتي هتفرقع منها هو في كده عارفه في كل حاجه في الطبخ والتفصيل والنظافه والشياكه وكمان في الدين فاضل ايه ثاني ما عرفتهوش ده احنا بكره نلاقيها طالعه لنا في التلفزيون بتدينا مواعظ
هدى
في ايه بس يا ماما بتعملي كده ليه وعلى طول بتشتكي منها هي عملت لك حاجه وبعدين لو سمحتي بقى وطي صوتك انا مش عارفه ركز في مذاكرتي
نرجس  بحسره
حتى انت يا واطيه يا اللي طلعت بيكي من الدنيا بصه لعمتك كانها مثلك الاعلى ده حتى بيقولوا اقلب القدره على فمها تطلع البنت لامها مش تطلع لعمتها يا موكوسه يا بنت الموكوسه منظره على ايه يا بت هي وعدتك تديكي حاجه
هدى بتتنهد
وعدتني ايه بس يا ماما كل اللي فيه اني بحكي مع عقلي وشايفه عمتي ست كويسه يا ريت نطلع زيها عارفه في