وللعمر بقية ل نرمين همام
العريس ده بكره وقال هتجوزها بعد اسبوع في ظرف يوم واحد هجيب لك كل حاجتك
ايه
عارفه يا ماما وعارفه انت قد ايه ضحيتي علشاننا ومتجوزتيش وانك مش بتتمكيجي وبتلبسيه هدوم طويله عارفه كل اللي قلته لنا من زمان والله العظيم بحمد ربنا عليك والكمال لله بس فاضل حاجه صغيره تبطلي ضړب فينا احنا كبرنا اه ابنك اهو هيدخل كليه الهندسه يا ترى بقى هتضربيه وهتخليه يروح الكليه وضړب الحزام معلم على ايده
لا طبعا من هنا ورايح ما فيش ضړب ابني ظافر بقى راجل وهيدخل الهندسه يعني مستوى ثاني انا كده ارتحت واظن لما اشوف زميلاته هناك يعجب بواحده فيهم هرحب على طول عشان يطلع من دماغه البنت اللي ساكنه تحت
على فكره هي نفسها تدخل زي كليه التجاره
حنان
على قد مستواها
ماما انا في كليه التجاره وانت كمان كنت في تجاره انا ما اعرفش هو في ايه هو انت كنت كارهه كليتك كده
حنان
بعد عده شهور في كليه التجاره
بروج
ايه
افتن ايه يا عبيطه اذا كان انا اللي جبته لك لغايه هنا هو يعني كان هيعرف مكانك في الكليه ازاي يا اوزعه يا بتاعه سنه اولى
ولما انت عارفه ان انا اوزعه وبتاعه سنه اولى جايبه اخوك ليه بقى مش احنا صغيرين عن الكلام ده
ظافر
شكرا بقى يا ايه شوفي انت رايحه فين وانا وهي هنشرب حاجه ساقعه في الكافتيريا اللي هناك دي وانت تعالي معايا وانت ساكته بدل ما اجرك من ايدك بالعافيه
ايه
باي باي بقى عشان عندي بقول لك ايه يا ظافر انت هتمشي من حته وانا من حته لحسن امك تعرف ان انت كنت موجود هنا في الكليه وتعلقنا من رجلينا
ظافر
ما تخافيش يا ايه مش هقول مع السلامه انت بقى
ظافر بابتسامه
وانت بقى تعالي نشرب حاجه ساقعه في الكافتيريا دي انا عارف انك بتحبي العناب
بروج
وجعانه عايزاه ساندوتش همبرجر ايه رايك بقى
ظافر
احسن ساندوتش فيك يا جامعه للاستاذه بروج خطيبتي
بروج
كويس انك ما قلتش مراتي الا كنت هتلاقي البوكس ده مضړوب في وشك
ظافر
عارف يا ستي وتعالي بقى اقفي هنا والحاجه هتجيلنا لغايه عندنا بقول لك ايه عايزين نتكلم في مواضيع مهمه هنعمل ايه مع اهالينا
بروج
هنعمل ايه في ايه مش فاهمه
ظافر
مش وقت غبة وحياه ابوك انت عارفه انا عاوز ايه وهتقولي لي انت لسه صغير لكن عايزين نتعاهد ان انت ما تكونيش لحد غيري وانا هستناكي طول عمري
بروج
هي الدنيا اتشقلبت الست هي اللي بتقول للراجل هستناك طول عمري
ظافر
انا بقول باللي جوايا وحاسس بيه ان مهما لفيت الدنيا دي هرجع لك انت بس ما اعرفش في ايه بالضبط لكن انا حاسس ان انت توامتي مش اختي لا التوام الروح وما تقوليش عليا عاطفي والكلام اللي اختي بتقوله وبتقول لي عضلاتك مش متركبه مع كلامك عن الرومانسيه والحب
بروج
بالعكس كلامك هو اللي شدني من واحنا صغيرين بسبب الجوابات اللي كنت بتحطها لي في جيب فساتين اختك وهي مش واخده بالها
