صدقته فكذبني
انت في الصفحة 1 من 5 صفحات
صدقته فكذبني
بقلمي نرمين همام
بيقولوا ان الظروف ممكن تغير من حياه انسان لكن هي الظروف ممكن تعملوا مچرم ولا الانسان مخير انه يمشي في الاتجاه الصحيح وما يعملش الغلط تحت بند ظروفي كانت كده
علشان كدا بحكي قصتي علشان تكون عبرة لغيري
نسيت اقولكم بكتبها من سجن النسا مستنية الحكم عليا وياريت انتم كمان تقولوا حكمكم العادل
شقه فاخره في الزمالك
صاحبه الشقه
شريفه خلصتي تنظيف
شريفه
ايوه يا هانم دعكت ارض المطبخ والحمامين الماستر وبتاع الضيوف وخليتهم بيبرقوا
صاحبه الشقه بتبص لها بقرف
غيري هدومك بسرعه ايه المنظر ده في ناس جايين دلوقتي يزوروني ومايصحش يشفوكي كدا ولا ايه
حاضر يا هانم ما دي الهدوم اللي بنظف بيها ولما حد بيشرف بغير لكن ماجبتش غيار النهاردة
صاحبه الشقه
قلت لك كثير يبقى معاكي غيار نضيف شويه مش كل الهدوم مبقعه انت بتودي فلوسك فين
شريفه
ما هو انا دواء امي واخد كل فلوسي وايجار الاوضه كمان دا غير اختي
صاحبه الشقه بتقاطعها
هو انت ما بتصدقي تتكلمي ولا ايه انا مش عايزه اعرف ظروفك انت بتشتغلي وانا بديكي مرتب وبقول لك خلي هدومك نظيفه شويه حتى علشان صحتك وشكلك
ركبت كذا مواصله علشان تروح الحته اللي هي ساكنه فيها مكان مهمش على خريطه العاصمه من العشوائيات زي ما بيقولوا
واول محطه رجليها في الحته ودخلت
احمد
مساء النور يا خالتي
شريفه
خالتك ايه جاتك القرف اهو كلمه خالتي دي اللي موقفه سوقي
احمد بيضحك وبيطلع من بقه
ماشي يا خالتي اقصد يا شريفه ههههههه امي قاعده عندكم شوفي لنا بقى حاجه نتعشى بيها كمان شويه
هو انتم ما بتفوتوش يوم غير لما بتيجي تطبوا علينا وانا لازم ااكلكم ما انت معاك في جيبك فلوس قد كده
ضحك احمد وسابته ومشيت دخلت بيت قديم جدا الشبابيك وكبيره وساندينها بعواميد خشب
شريفه اتكعبلت وهي داخله في السلالم المكسوره
يا رب هو بس مين سرق اللمبه من هنا هو انا كل ما اجيب لمبه تتسرق
دخلت شريفه اوضه جنب السلم اوضه كبيره لكنها ضلمه والحيطان مشققه وفي السقف بيوت العنكبوت ولا كانها من 100 سنه
بنت يا شريفه مالك هو انت كل يوم تيجي لنا بالغاغة بتاعتك دي
شريفه
اعمل ايه ياما كل ما احط لمبه علشان ما تكعبلش في السلالم المكسوره اجي الاقيها مسروقه توب علينا يا رب من
