رواية التقاء القلوب مكتملة لجميع فصول بقلم الكاتبة المبدعة/ أميرة يحيى

التقاء القلوب الجزء الأول 
عاميه !
إسمها كفيفه 
فرقت ايييه قووولي فرقت ايييه !! 
صوت والدتي بقى عالي جدا مش قادره تتقبل إن الي بحبها ربنا قدر ومكنش ليها نعمة البصر اللهم لا إعتراض ولا مانع مفيهاش أي حاجة سبحت على المسبحه الي في أيدي وقلت
إي ياماما أنتي هعرفك الدين ولا أي 
وفيها أي لو كفيفه قدرها وربنا بيختبر صبرها في كدا مش يمكن في لحظة النعمه دي تزول مني أنا وقتها هتسبيني  

بس متقولش كدا بعيد الش ر عنك يابني افهمني بقى دي مش هتقدر تلبي طلباتك ولا هتواكب حياتك !
يا أمي أنا راضي بيها ربنا فتح قلبي ليها وعمري مكلمتها هى محترمه جدا طالب منك طلب بس نروح نتقدملها 
أتنفست بغ ضب وقامت وقالت بضيق من تصرفاتي
بتعصي أمك مفيش فايده ! عايز قلبي يغ ضب عليك يا يحيى يابني 
يا ست الكل ليه بس كدا ! أنا هعمل إي حرام أنا عايز أتجوز على سنة الله ورسوله !
بس مش دي مش دي 
جه على صوتنا أختي الأصغر مني بسنتين وأخويا الصغير بيستفسروا على سببأميرة يحيىصوتنا هما مش متعودين على الصوت العالي خالص وكمان بحكم إني ماذون شرعي وأنا هادي بطبعي مش متعصب بتاتا 
في إي يا ماما إي يا يحيى !
سأل أخويا الصغير عبد الرحمن وقلت بهدوء
في إني بطلب من أمي تيجي معايا هتقدم لبنت 
أي مين فين إسمها أي  
قالت أختي مروه بحماس لكن والدتي قالت بضيق وصوت عالي شويتين
اخوكي عايز يتجوز واحده مبتشوفش يا مروه وعد بنت حسن 
شهقت أختي وأخويا قال بأستغراب
طب وفيها إي يا ماما مدام يحيى مرتاح ليها مش يمكن تكون رزقه من الدنيا وزوجه صالحه 
أنت بتقول أي إزاي تدخل في نقاش الكبار !
ماما أنا تسعتاشر سنه مبقتش صغير اعذريني إني برد عليكي بس مدام يحيى حاببها أي المشكله 
استغفرت ومشيت من اوضة الصالون جت مروه قعدت جنبي وقالت
يعني ملقتش إلا دي يا يحيى ! يعني أقصد  
قطعت كلامها من نظرتي المعاتبه ليها ونزلت راسها وقرب مني عبد الرحمن وقال
مدام رايدها يا يحيى وفيها الخير ياحبيبي ربنا هيجعلها من نصيبك 
يعجبني رزانتك يا عبد الرحمن ياخويا والله 
قلتها بإبتسامة وضحك في حين مروه ساكته وبتتنهد يومها مسكتش وخليت أمي تيجي معايا نتقدملها وقد كان 
فتح الباب راجل وقور أبتسم وقال
معقول الشيخ يحيى جاي يزورنا !
السلام عليكم يا عم حسن 
وعليكم السلام يبني اتفضل 
دخلت وسلم على والدتي وأخواتي دخلت وقعدنا ووالدتها جت مبتسمه وقالت
يادي النور الشيخ يحيى وأسرته دا زارنا النبي 
تسلمي يا أمي 
قلتها بأبتسامه وقعدت وفاتحت علطول والدها في الموضوع
الصراحة يا عم حسن أنا جاي طالب القرب في بنتك الانسه وعد 
وسعت إبتسامه والدتها وقالت
دي بنتي طول عمرها الخير بيتساق ليها ماشاءالله ياحبيبتي 
والدها قال بأبتسامه
عينينا للشيخ يحيى هدخل أسأل العروسه وهاجي 
أسأل يخويا مع إن الجواب معروف  
إبتسامة والدتها اتمسحت بإستغراب وقالت
بتقولي إي يا حاجه 
ولا حاجة ياحبيبتي أقصد دا الشيخ يحيى يعني مش أي حد 
أبتسم والدها وقال
ميمنعش ناخد رأي العروسه طبعا يا حجه أم يحيى 
حسيت بإحراج من رد والدها الهادي وقلت
أكيد طبعا اتفضل 
هقوم أعملكم عصير وجايه علطول البيت بيتكم طبعا 
قالتها والدتها وقامت اتفلت لوالدتي وقلت بعتاب
لي يا أمي كدا 
ما عندي حق هي تطول اشحال الي فيها 
ماما 
قالها المرادي عبد الرحمن وكمل بصوت واطي
ماما مينفعش
كدا بجد