إسكريبت انك بداخلي بقلم خلود ناجي
عن وشي احسنلك ...انا نفسي اكتر منك يكون عندي عيل بس مش بتكلم عشان عارف الموضوع حاسس عندك. .. .. ممكن كفاية بقي عشان مش ضامن اعصابي
لا هتعمل ايه ...هتضربني ... مااانت مش راجل أساسا
انتي طالق. ...
مابين صوت العالي وصوته عصبيتي الشديدة وعصبيته استفزازي ليه وعنادي ...كل دا اتلاشي مرة واحدة بس بسبب كلمة ....طالق ... دي المرة التالتة ... يعني كده خلاص .... كان واقف بياخد نفسه بالعافية وعرقان اللي يشوفه يقول بيجري من ساعات ... عنيه محمرة كأنها ډم .... هي كانت كلمة بس ليه حاسة اني اول مرة اسمعها اني قلبي انكسر ... نزلت بالراحة لعمي واول ماشوفته حضنته وعيطت صوت صړاخي كان مالي البيت
٣ ايام مرت وقتها لاول مرة عمي اشوفه متعصب كده ...حنيته كلها انقلبت وقتها واتعامل مع يحيي بقسۏة كبيرة .... مرضيش يخليني امشي وخلاني اعيش معاه ويحيي يمشي. .... كده خلاص مينفعش اكون ليه الا لو اتجوزت واحد تاني
تعالي افطري معايا
لا مش جعانة
انا مش هظلمك يابنتي ... يحيي كان لازم اطرده واقف في وشه ... انا عارف انك بتحبيه بس خلاص انسيه مع الوقت هتنسيه
بس حالتنا تختلف
انا بحب ابنك جدا ياعمي ... بحب لانه عوضني عن بابا وكان راجل معايا ووقف جنبي دايما. ..عمره مامد ايده عليا ولا حتي قالي كلمة چرحتني ...رغم طلاقي من ٣ مرات الا اني لسه بحبه ... انا غبية صح ...
لا لازم تفوقي ... .. فوقي كده وأبدي حياتك من جديد وانا هقف جنبك وادعمك ...
قولتلك خليك صبور بس انتي استحليت الكلمة في لسانك... استحمل بقي ... هجوزها واحد أنضف منك ويحبها ويحافظ عليها ... واحد بتمنالها الرضا ..ويخليها تحب نفسها ويدلعها مش زيك ...واحد ينسيها وجودك وقرفك ياأخي ... انت مفكر أنها ملهاش ضهر تبقي غلطان دي بنتي سامع يايحيي هجوزها واخليها تعيش حياة جديدة وتتجوز وتخلف عارف انك بتحبها وتغير عليها بس كفاية انك تشوفها مع غيرك ويحقلها اللي كان حقك في يوم من الايام ... ودا عشان تعرف تتحكم في عصبيتك تاني ... من النهاردة هتتعامل معاها كأخت ليكي ويفضل تقطع علاقتك بيها خالص ... ويمين بالله لو فكرت تقرب منها لأكون انا اللي واقفلك يايحيي سامع.... ....
موافقة
اه ياعمي
بصي يابنتي ...هو هيكون جوازك وجوازك ميكونش فيه نية الطلاق ولا حتي جواز صوري. .. انتي هتتجوزيه وهتعيشي حياتك معاه كلها وتعاهدي ربنا الاول انك تكوني نعم الزوجة ليه ... مفيش طلاق سامعني ... وانسي يحيي
يحيي
نعم يابابا
بنت عمك فرحها بعد اسبوع عشان هتسافر هي وجوزها لازم تحضر ...انت ابن عمها برضوا
حاضر يابابا .... حاضر
شايفة ياكوثر غباء ابنك وصله لايه عارفه أنه بيحبها انا شايف دا في عنيه وهي بتحبه بس مينفعش يبقوا لبعض خلاص ... انا طول عمري بحذره من عصبيته دي ... هو دلوقتي واقف ساكت حاسس بعجزه والله بس هي بنتي برضوا هو اذاها كتير كان عنده فرص كتير عشان يتغير بس هو محاولش حتي هو ابني ويعز عليا اشوفه واقف عاجز وساكت كده ومش قادر حتي يتكلم ... وهي تايهة هما فاكرين اني قاسې بس انا بختارلها الصح هي خلاص معدتش تنفع ليه ... بس ابني خاېف يضيع مني ... ابننا هيضيع مني يا كوثر ... .
شوفته قاعد في المكتب ... الساعة ٤ والنور لسه شغال ...نزلت بهدوء اشوفه ومش عارفة دا صح ولا غلط بس قررت اشوفه لآخر مرة كفاية هروب لدلوقتي
لقيته نايم علي كرسي ملامحه تعبانة اوي ... غطيته وبعدت ... كان نايم بإهمال كعادته كنت عايزة اصحيه كالعادة وأمسك ايده واطلعه لاوضتنا...اوضتنا مفيش نا من النهاردة مفيش حاجة هتجمعنا تاني ... انا مينفعش اعيط تاني ... مينفعش اعيط ...اية متعيطيش تانية أساسا عادي ... دموعي خنقتني فطلعت اوضتي فوق ... بهرب كعادتي ... بهرب من ملجأي الوحيد وراحتي
..
حاسس انها كانت موجودة جنبي شامم ريحتها جنبي فتحت عنيا واتمنيت اني الاقيها قدامي بس مش كل حاجة بتتحقق للاسف ... لو هي هنا كنت هلاقيها قدامي بتضحك وتلعب في شعري وتمسك ايدي عشان نطلع لفوق هتكون دلوقتي بتحكي يومها وازاي قضته ... وتسالني عن يومي وكالعادة ارد تمام. .... فتسكت تيجي دلوقتي واحكيلها كل حاجة بس دلوقتي هي بقيت متجوزة راجل تاني ... هي كده الحكاية خلصت .....
ابتسمي وانصبي ضهرك ... اعرفي راسك وابتسمي ... هو شخص كويس وانا اتاكدت من كده ... ومبروك ليكي
مبروك
منتظرينك تحت يابنت عمي
مبروك ... انا كنت مراته هو اللي عمل كده هو السبب في كل حاجة حصلت .... احمد بيحبني كمان هو شخص كويس جدا ومحترم.... وانا منفعش ليحيي تاني ... طلعت بالفستان مسحت دموعي وابتسمت ذي ماقال
