عشق مهدد اسراء ابراهيم

الدنيا بتلف بيها وكأن كلام عمر زي الخڼجر اللي بيدب في قلبها فرفعت عنيها وبصتله لقته بيبصلها بتحدي وبيكمل 
ولو في نصيب فانا هخلي الخطوبة في فندقي الخاص بحيث يكون مناسب لمستوي العيلتين
عمران ابتسم بفرحة وهو بيبص لشهاب ورد بسرعة
واحنا عمرنا ما هنلاقي راجل احسن منك يا عمر بيه نقرا الفاتحة
كانت رقية مصډومة وحزينة في نفس الوقت ومتأكدة ان عمر عمل كدة عشان يثبت لملك انه نسيها وانه خلاص هيشوف حياته فمسحت دمعتها اللي هربت منها وهي بتزغرط عشان ميبانش زعلها وقهرتها علي عمر اخوها وابنها الوحيد
بعد السهرة كان واقف عمر قدام عربيته بعد ما سلم عليهم وودعهم عشان يمشي وكذلك رقية اللي كانت لسة جوة الڤيلا و سلمت علي سالي وحضنتها وبصت لملك باشمئزاز وڠضب وسابتها ومشيت عشان ميبانش حاجة عليها بس حصلتها ملك اللي وقفتها في نص الجنينة وهي بتنده عليها بس رقية كانت متجاهلاها لحد ما لقتها مصممة ولسة بتنادي فلفت وشها وردت بحدة
انتي عايزة ايه وكمان ليكي عين تندهي عليا وتبصي حتي في وشي يا بجاحتك يا بت
ملك مسكت ايد رقية وهي دموعها في عنيها وردت بحزن وهي بتتلفت وراها 
ارجوكي متحكميش عليا من غير ما تعرفي التفاصيل
شدت رقية ايديها پغضب من ملك وهي بتقولها بسخرية
انا مش محتاجة اعرف حاجة انا اللي اعرفه شوفته بعيني محدش قالهولي وهو انك بعتي اخويا عشان اسم الله جوزك بفلوسه بس اهو ربنا بحكمته خلي اخويا اغني من جوزك واهو ربنا كرمه ببنت حلال بجد مش من عينتك
قالت رقية اللي قالته وسابت ملك ومشيت وملك فضلت واقفة ومتبعاها بحزن وبعدين مسحت دموعها بسرعة ودخلت تاني الڤيلا
يوم الخطوبة كانت ملك واقفة بعيد عند باب القوضة وشايفة سالي وهي بتبص لنفسها في المراية وبتبتسم بسعادة عكس اللي جوا ملك من قهر وحزن كان قلبها بيتقبض لما
بتفكر ان عمر هيلبس دبلته لحد غيرها غمضت عنيها بحزن وهي بتحاول تمسك دموعها وسابت سالي وخرجت بسرعة من المكان واول ما قفلت الباب وبتجري خبطت في عمر اللي كان جاي ياخد سالي عشان ينزلو القاعة عرفت ملك انه هو بسرعة اول ما شمت ريحة برفانه اللي بتعشقها كانت ماسكة في چاكت بدلته وهي بتتمني فعلا يكون هو وميكونش حلم انتبهت ليه وهو بيبعدها بعيد عنه فرفعت عنيها وبصتله وحاولت تطلع صوتها فقالتله بحزن
عمر وحشتني
مسكها عمر من ايديها پغضب وهو بيبصلها باشمئزاز وقالها بهمس مرعب 
انتي اټجننتي مش كدة ازاي تبقي علي زمة راجل وتقولي لراجل غيره كدة انا مكنتش اعرف انك بالحقارة دي
ملك اتوجعت من مسكة عمر لايديها وردت بۏجع من كلامه ليها اكتر من مسكته لايديها پعنف 
عمر انا راضية بأي كلام منك حتي لو كان اهانة انا عارفة اني في نظرك استاهل تقول عني كدة بس صدقني انا لسة بحبك وعمري ما حبيت حد غيرك
عمر كان باصص ليها پغضب وقلبه الملعۏن للاسف لسة بيحبها لسة بيحنلها لسة مصمم يعصاه ويصدقها 
انتي اكتر من الوصف اللي قولتيه بكتير يا ملك انا لو رجع بيا الزمن كنت رميتك من حياتي قبل ما ترميني وكنت دوست علي قلبي بجزمتي لو فكر يحنلك ودلوقتي ابعدي من قدامي واحسنلك متخلنيش اشوفك كتير لاني مش ضامن رد فعلي هيكون ايه
ملللك 
قالها شهاب بصوت عالي وهو بيقرب عليهم من بعيد واتنفضت علي صوته ملك اللي كانت مړعوپة من مجرد ما سمعت صوته بينطق اسمها ولاحظ ده عمر