حكاية لو سمحت يا ... يا با شمهندس بقلم بقلم الكاتبة روني محمد
انت في الصفحة 1 من 8 صفحات
لو سمحت يا ... يا باشمهندس
نعم... انتي بتكلميني انا
امال بكلم مين هو انت شايف في حد غيرك
اوووف اللهم طولك يا روح عاوزه ايه
ممكن اطلب منك خدمه
اتفضلي
ممكن تشغلني عندك سكرتيره
نعم عندي انا
ايوه بص انا شاطره وذكيه وبستوعب بسرعه بس انت اديني فرصه بس ..
بس انتي فا.....
لبلب ومكسر يا بنتي اسمعي انا....
طب سيبك من ده واخد انت بالك ادب وشياكه و مبطلبش طلبات كتير...
نعم!!!
ايوه ولله بص جربني بس وانت مش هتخسر...
اجرب ايه انتي عبيطه.
بص بقى انا ماسكه فيك بايدي واسناني انا مصدقت بصراحه ...
الاقي صاحب شركه انا كل ما اقرا روايه الاقي البطله تشتغل عند البطل هوب يتجوزها وش حاولت كتير اشتغل في شركات بس بلاقيهم عواجيز ..
انا مش فاهم حاجه روحي يلا من هنا متعطلنيش...
بص بقى انت لو ما اعجبتش بيه حالا وطلبت ايدي للجواز هصوت وهلم عليك الناس وهفضحك وسط موظفينك واقول انك كنت بتتحرش بيه واخليك تتجوزني ڠصب
بقى كده انت مش هامك .... طب يالاهويييي الحقوني.....
كتم فمها
الله يخربيتك طلعتي مجنونه...
وسع ايدك ها وافقت
وافقت على ايه
انك تتجوزني
انا عن نفسي معنديش مانع وجنانك ده عجبني طيب عاوز بس استفسر عن حاجه
ها قول كلى اذان صاغيه
طيب اهلك هيوافقوا اني اعيش معاكم
وتيجي تعيش معانا ليه امال فين القصور والفلل الي عندك
مانا ده الي عاوز اقولهوك من الصبح
اوعي تكون متجوز !!
ياريت
الحمد لله نتجوز قريب بقى
طب محلوله ما تشتري فيلا ولا قصر
اشتريهم منين بس انا بأكل نفسي بالعافيه
يا سيتي انا اخر حاجه اشترتها كانت البدله دي من ست سنين واشترتها قسط كمان
لا بقولك ايه انا لسه شيفاك نازل من عربيه اوبها وكنت داخل الشركه...
ما دي العربيه الي بشتغل عليها..
بتشتغل عليها ازاي هو انت مش صاحب الشركه دي
لا
انا سواق صاحب الشركه دي يا لاهوي !!!
الله يخربيت الروايات الي لحست دماغكو
ايوه يا ماما بتنادي ليه
قومي يلا روقي البيت ده عشان جايلك عريس...
عريس ايه بقى ان شاء الله
هو ايه الي عريس ايه. عريس وخلاص واعملي حسابك انا زهقت منك ومن افكارك السودا دي
يا ماما انا نفسي اتجوز عن حب يعني الاقي الي يحبني من اول نظره وانا كمان احبه هيييييح
لكذتها الام بكتفها
دعاء اااه اااه حرام عليكي يا ماما ايدك تقيله...
الام عوض عليه عوض الصابرين يارب
هو في ايه انا عملت حاجه
لا معملتيش يا ختي بس الروايات والقصص الي بتقريها بوظتلك مخك...
ماهو على يدك ملقتش ولا ظباط ولا رجال اعمال نافعين مبقاش فاضل غير بتوع الماڤيا...
يالاهوي... الماڤيا عاوزه تتجوزي واحد ويرجعك چثه تاني يوم. .
لا ما هو هيحبني...
بصي يا بنت انتي كل الروايات والقصص الي بتقريها دي ترميهاولا تولعي فيها وحسك عينك تقولي للعريس الي جاي النهارده انك بتقري روايات كفاياكي جنان بقى...
يوووه يا ماما انا مش هتجوز بالطريقه دي
بنت انتي العريس جاي باليل الشقه دي لو ماتشلتش ونضفتيها في خلال ساعه بالكتير ولله ما هتلاقي غير شبشبي نازل عليكي...
يا ماما بقى
ياتك ماو لما ينفخ جنابك امشي من وشي وخلصي قبل ما الراجل يجي....
في المساء
بعد مجئ العريس ووالدته دخلت دعاء تحمل صينيه المشروبات وهي تمشي على استحياء لتتعثر عند دخولها غرفه الضيوف تطايرت صينيه المشروبات لتسقط فوق العريس بينما دعاء كانت ممدده على الارض وقفت بحرج لتحاول ان تتأسف عن فعلتها بينما الاخر ينظر لها پغضب لترفع رأسها وترى وجهه وكانت الصدمه حليفتها حينما وجدته هو.. من ظنت انه صاحب الشركه....
يتبع.....
صاحب الشركه
بقلمي روني محمد
روني محمد
الجزء الثالث
وقفت والده دعاء تعتزر له لما فعلته ابنتها بينما هو كان الڠضب يطلق سهامه نحوها لېقتلها بنظراته الفتاكه وقفت دعاء وهي تضع يدها على ظهرها متصنعه الألم حتى تخفف من حده الموقف لتقول
انا اسفه مقصدش...
هعمل ايه بأسفك ده اصرفه منين
دعاء لنفسها اللهم طولك ياروح انا لازم اعدي الليله قبل ما يقول لماما على الي عملته معاه إمبارح
تنحنحت دعاء لتقول
تعالا اتفضل للحمام
وانا هنضفلك البدله
لأ
امال هتقلع هنا
شوفيلي اي زفت هدوم تانيه انا عارف ان ايه الي جابني هنا .. كانت صدفه سودا يوم ما شوفتك
مامت دعاء اده يا بني انت شوفت دعاء قبل كده
والده دعاء انا مش فاهمه حاجه قابلتوا بعض قبل كده ولا لأ..
مالت دعاء بسرعه على اذن والدتها لتقول
معلش يا ماما خدي طنط اعدي معاها برا شويه وسبينا لوحدنا انا لازم اتأسفله واعتزرله عن الي حصل واهو نعد نفهم بعض يمكن يحصل قبول...
فرحت والدتها بما قالت فلأول مره ابنتها توافق ان تجلس مع عريس بسهوله دون ان تقارن بينه وبين ابطال الروايات ...
خرجت الام برفقه والده وليد ليرمق الاخرى بتشفي من هياتها المرتعبه والمتوتره من كونه انه يمكن ان يخبر والدتها
بص انا اسفه وانسى الي حصل وانسى انك قابلتني انا كنت مجنونه وخلاص توبت والحمد لله...
ولله... والي انتي عملتيه فيه ده اسمه ايه
ڠصب عني ولله انا اتكعبلت وقعت وضهري كان هيتكسر المهم انت جيت ورايا ليه ثم اضافت بمرح اوعى تكون حبتني
حبك برص انا لو اعرف انك انتي العروسه انا كنت خلعت بدري...
دعاء بحزن طيب عموما فرصه سعيده وانا مش عندي هدوم ادهالك زي مانت شايف بابا مټوفي ومعنديش اخوات ولاد الا بقى لو حابب تلبس حاجه من هدومي
تصدقي انتي هتخليني ارتكب چريمه دلوقتي
لا وعلي ايه الطيب احسن شوف لو عاوز تاخد تمن البدله الي باظت انا معنديش مانع ...
احم ممكن اطلب منك طلب
اتفضلي
يعني لو سمحت متقولش لماما اني قبلتك قبل كده ..
سلام يااا
دعاء اسمي دعاء...
قصدك وباء......
بعد اسبوع
قررت دعاء البحث عن عمل بعدما تركت عملها القديم اخبرتها صديقتها عن حاجه بعض الشركات الي موظفات ولا يشترط الخبره عقدت النيه واتجهت الي احد الشركات لتقديم اوراقها وتسأل عن الوظائف الشاغره....
دخلت مقابله المسئول عن المقابله ولكن كانت المفاجأه انه هو وليد!!!!
تفاجأت دعاء بوجوده وقفت لتفكر لعده ثواني فهي لابد ان تتعامل معه وفق ما جاءت من اجله متجاهله انها تعرفه من قبل ليقطع هو هذا الصمت قائلا
هو انتي بقيتي زي عفريت العلبه طلعالي في كل مكان
رفعت سبابتها امام وجهه لتقول
انا مسمحلكش انا على فكره
جايه بالصدفه والدليل على ده انك كنت قايلي انك شغال سواق ألا قولي صح انت اترقيت
نظر اليها بتسليه لينهض من مجلسه وهو يضع يده في بنطاله مقتربا منها قائلا بغرور
على فكره انا صاحب الشركه دي
تفاجئت هي لتحاول ان تخفي ذلك لتقول
ومالو صاحبها ولا مش صاحبها مش هيفرق انا جايه اقدم على شغل قبلتوني كان بها مقبلتونيش انتو الي
خسرانين ايه بقى ان شاء الله
موظفه كفئ زيي
ضحك هو بملئ فاه ليقول بسخريه
اه موظفه جايه تشقطلها عريس
رفعت سبابتها امام عينيه لتقول
انا مسمحلكش على فكره وعيب تقول عليه كده
امال بتسمي ايه اول مره شوفتك
