أرادت زوجي لها ل نرمين همام

داخله وناس طالعه وهو اللي باني الفيلا دي
ام صباح
وانا اقول العز والجمال ده شفتي شكل الډخله عامله ازاي ولا شفت السلم ابو روحين تطلعي من اليمين او تطلعيه من الشمال يعني سلمين في سلم ولا الاوض وجمالها والارض خشب باركيه ولا الستائر
صباح
لما قعدتي النهارده معاها الظهر ياما ما عرفتيش حاجه متجوز عنده عيال يعني هي مراته الثانيه ولا كده ما اتجوزش قبلها ولا ايه الحكايه
ام صباح
والله يا بنت ما عارفه لكن لما عاشت مع اخوك ما جابوش عيال وكل ما كنت اقول له شوف مراتك مالها كان بيزعق كان طالع حمقي زي ابوها الله يرحمهم هم الاثنين
صباح
ايوه ياما عايزين نعرف لما كانت مع اخويا ما جابتش عيال ليه كان العيب منها وهنا اهي معهاش عيال يبقى ساعتها نلعب على الحته دي وانت طول ما انت قاعده تتكلمي على الخلفه وقتها يمكن يبص لي ويتجوزني علشان يجيب حته عيل
ام صباح بتضحك
وانت عادي كده تتجوزيه وهو  متجوز نيفين
صباح وهي بتضحك
هو انا هتجوزه عشان جمال عيونه انا عايزه اتجوزه علشان العز ده علشان ما يجيش عليها يوم تقولوا انتم قاعدين في خيري 
ام صباح 
يعني يا بنت لو طلبك للجواز تقدري تعيشي مع ضرتك في نفس البيت
صباح
ايوه ياما وايه المشكله يعني وهو انا  عايزه اتجوزه علشان بحبه ده علشان العز دوت ما يبقاش لها هي بس ويا سلام لو جبت له حته عيل يبقى العزل ده كله بتاعي
ام صباح
عايزه كل العز ده لك وفين امك يا جاحده
صباح
اخص عليك ياما انا ما ليش غيرك
ام صباح
ههههههه
وفي اوضه النوم الخاصه بياسين ونيفين
ياسين قاعد وبيتفرج على التلفزيون  وبيقول
ما طلعتيش معايا ليه يا نيفين الاوضه تعالي ده في فيلم اجنبي روعه 
نيفين قربت منه وقعدت جنبه
يا ياسين كل الافلام اللي انت بتتفرج عليها يا اما اكشن يا اما ړعب وانا ما ليش في الكلام ده
ياسين وهو
 ايوه لانك رقيقه وما لكيش غير في الرومانسيه بس لكن انا ما بحبش اتفرج على الافلام الرومانسيه
نيفين
انا هقعد جنبك اهو وانت اتفرج على اللي يعجبك
ياسين بيلف بدماغه بيبص لها
مالك يا نيفين مش كنا اتكلمنا في الموضوع ده
نيفين
بجد ياسين قلبي مش مطمن لهم انت ما تعرفهمش زيي دي نقطه جوزها وماټ حتى ابنها عبد الرحمن ما كانش واخد طبعها كان واخد طبع ابوه اما بنتها صباح واخده طبعها لو اقول لك بتقعد طول النهار تتكلم على الناس تقول لي كذابة 
ياسين  بتعجب
يا بتقعد طول النهار تتكلم على الناس 
نيفين
اه والله دي بتعمل مقالب في جيرانها وبتعمل حاجات غريبه انت عارف كانت متغاظه من عروسه ساكنه في الشقه اللي جنب منها مع ان في فرق في السن اهو كانت تجيب الادوم الكبير وتفضل ټضرب بيه على الحيطه 
ياسين وهو بيضحك
يا شيخه في حد كده
نيفين
اه والله فيه انا قعدت معاها وشفت عمايلها دي كانت هتجنني لا وبنتها كمان طالعه زيها انا كنت اقعد معاهم يتكلموا على اي جاره كلام فظيع
وبعدها لو شافوها او شافتهم يبوسوها ويحضنوها ويقولوا لها يا حبيبتنا يا اللي مفيش في قلبنا غيرك
ياسين
دول ناس غريبه عاملين زي عواجيز الفرح عموما يا