حبست حماتي

بطل تكون مكشر في وشي كده 
والله هتتحل من عند ربنا بس سبها انت 
علي الله
جمال
حاضر يارقيه سبيني انام بقا شوية عشان اروح شغلي الصبح
وتاني يوم الصبح كلمت واحده صاحبتي وقولت لها
رقيه 
بقولك ايه يابت سماح انا عايزاكي تشوفي لي شغلانة بس من غير ماحد يعرف يعني عايزة شغلانة كده تبقا كام ساعه اقدر اخرج من البيت وارجع من غير ما حد يحس لا حماتي ولا جوزي
سماح
غالي والطلب رخيص يابت يارقيه انا عندي شغلانة بس مش عارفة هتعجبك ولا لا
بس ياختي خليكي عارفه ان الشغل 
مش عيب
رقيه
طيب قولي كده شغلانة ايه دي يمكن تعجبني ولا حاجة

سماح
هو مفيش شغلانة غير انك تشتغلي في البيوت تنضفي وتمسحي هيطلع لك قرشين حلوين
رقيه
طيب الشغلانة دي حلوه يابت يعني ولا فيها تعب وكده وهرجع هلكانة انا بالنسبه لي معنديش مشكلة اني اشتغل اي حاجة بس حماتي متاخدش بالها اني مرهقه والله لو عليا افتحت في الارض علشان يكون معايا فلوس
سماح
متقلقيش هما كام ساعه في اليوم بس شغل وبقيت اليوم هترجعي بيتك زي الفل ولا كأني عملتي حاجة
رقيه
خلاص انا معاكي اجي ليك امتى عشان توديني الشغلانة دي بقا
سماح
عدي عليا بكرة الصبح اوديكي للهانم اللي عايزة واحدة تشتغل عندها
وبعدها رحت لسماح وخدتني عند واحده غنية اوي وعندها فيلا وقالت لي
الست 
انتي اللي جاية من طرف سماح دي عماله بتشكر فيكي اوي وشكلها بتحبك بجد لولا سماح 
انا عمري ما كنت وافقت انا بحبها اوي واس 
حد يجي من طرفها يبقي حبيبي
رقيه
دي سماح دي تعتبر اختي ياست هانم وهي كمان وصتني على حضرتك وان شاء الله شغلي يعجب حضرتك
الهانم
طيب يارقيه انا عايزة اشوف البيت بيلمع مش عايزة اي حاجة مش نضيفة ها تخلصي في اد ايه بقا عشان جاي لي ضيوف كمان ساعتين
رقيه
من عنيا ياست هانم انا هخلص كل ده في ساعة زمن بس وهتستلمي مني البيت بيلمع بجد مټخافيش انا نظيفه اوي
الست 
تمام قدامك الفيلا اهي ولو لقيت شغلك 
عجبني هخليكي تيجي مرتين في الاسبوع
سماح 
والله الست هانم كريمه اوي وايدها فرطه 
وهيكون معاكي فلوس كتير باذن الله
رقيه 
وانا عنيا ليكي بعد اذنك بقي علشان 
اشوف اللي ورايا
وفضلت انضف البيت كله بصراحة كان كتير بس وعدت الست هانم وفعلا خلصت وقالت لي
الست 
ايه ده مشاء الله عليكي ده انتي طلعتي شاطرة اوي انا عايزاكي كل يوم تيجي لي يارقيه
انا مكنتش متخيله انك نظيفه اوي كده والله
رقيه
هو انا ممكن كل يومين ياست هانم بس عشان جوزي وامه ميعرفوش اني بشتغل ده عرفو مش هيطلعوني من البيت
الهانم
ياخسارة يارقيه انا كان نفسي تبقي عندي كل يوم على العموم ممكن تيجي يوم ويوم وانا هدفع لك المبلغ اللي انتي عايزاه
رقيه
حاضر من عنيا تحت امر حضرتك
الست 
خدي الفلوس اهي اللي اتفقنا عليها وكمان 
خدي دول علشانك
رقيه
ي خبر دول كتير والله مش عارفه اشكرك ازاي
الست 
مش بس كده ادخلي المطبخ كمان خدي 
كسين لحمه وكمان فرختين علشان اولادك 
مش عندك اولاد
رقيه 
لسه ربنا مش عطيني ربنا يكرم 
باذن الله
الست 
اكيد هيديكي لأنك كويسه وبنت 
حلال وتستهلي كل خير
رقيه 
طيب بعد اذنك علشان مش عايزه اتاخر 
علي البيت وبعدها دخلت اخد الحاجه وانا 
فرحانه اوي
ورجعت البيت وحماتي قالت لي
الحما 
انتي كنتي فين يامرات ابني بقالك تلات ساعات بره البيت كنتي فين بقا
رقيه
انا كنت في بيت عمي ياحماتي ومستاذنة من جوزي الراجل تعبان وانا بروح ابص عليه وهاروح له كل يوم انتي عارفه ان مراتة مش بتقدر تعمله حاجة
الحما
طيب ياختي ومن امتى الحنية اللي ظهرت عليكي فاجأة دي ده انتي مكنتيش بتقبلي عمك ومراتة
وبعدين اي الشنط اللي معاكي دي
رقيه
ازاى يعني ده انا مليش حد في غيرهم ياحماتي
عمي ربنا يخلي ادني فرختين ولحمه 
كمان
الحما 
الله ومن أمتي انشاء الله الحدايه بتحدف كتاكيت مش فاهمه
رقيه 
بنت اخو اللي بيحبها ومن هنا ورايح 
هيدني حاجات كتير 
ممكن بقا ادخل اعمل الاكل لجوزي قبل مايرجع
الحما
ادخلي ياختي ادخلي. اعملي الاكل 
كله خلينا ناكل اهو ندوق الفراخ اللي بقلنا 
شهور مش دوقنها دي
وعدي اليوم والتاني وبقيت كل يوم اروح للهانم واشتغلت عندها وقالت لي
والله يارقيه انا مش عارفه من غيرك كنت عملت ايه انتي بجد شاطرة ولهلوبة انا جت ليا كام 
واحده هنا بس محدس عندهم امانه زيك كده والله
رقيه
والله ده انتي اللي ست زي العسل