روايه لن أكون مثلك كامله لجميع فصول الرواية بقلم الكاتبه أيه الموافي

مش هقدر.
هز راسه هو كمان وقال بترجي وهو بيبصلها پألم 
متسبينيش يا تقى في أكتر وقت أنا محتاجك فيه.
بص للأرض علشان تحاول تخفي الدموع اللي نزلت من عيونها وقالت بشرود 
أنا كل لما افتكر الۏجع اللي انت سببتهولي بكون مش طايقة أبص في وشك.
رفعت نظرها ليه ودموعها على خدها وقالت وكإنها بتسأل نفسها 

أنا شكلي كرهتك يا محمد بعد ما كنت بحبك.
اټصدم من اللي قالته وقال بۏجع 
كرهتيني!
مسحت دموعها وقالت وهي بتسأله 
تعرف ايه أكتر حاجة ۏجعاني في الموضوع!
غمض عيونه بحزن لأنه عارف انها اتألمت كتير بسببه كملت كلامها وقالت وهي بتبصله 
انك استغلتني يا محمد.
فتح عيونه وبص ليها بحزن وهي كملت كلامها وقالت 
تعرف انت لو كنت واجهتني من الأول وقولتلى انت بتعمل معايا كدا ليه أنا كنت همسك ايدك ومسبهاش غير لما تتعافى بيا لأني هكون عارفة انك بتحاول تخرج من اللي انت فيه من خلالي.
ضغطت على ايدها جامد وقالت پغضب 
انما أنت خطبتني بهدف انك تكسرني تذلني وتقلل من قيمة نفسي في عيوني بسببك أنا كنت هفقد الثقة في نفسي يا محمد.
قامت من مكانها وقالت وهي بتبصله بصة أخيرة 
للأسف يا محمد أنا المرة دي هختار نفسي أخيرا ومش هختارك.
مشت من قدامه بس وقفت في مكانها لما قال بحزن 
لو أنا بعدت فترة كبيرة علشان أصلح من نفسي وأخرج من العقد اللي فيها دي وأبقى شخص أحسن ممكن في يوم نرجع!
فضلت ساكتة شوية وبعدين قالت وهي عطايله ضهرها 
سيبها للزمن يا محمد.
خرجت من المكتبة وعلى وشها ابتسامة راحة لأنها أخيرا اتخلصت من كل حاجة كانت بتسببلها ۏجع بصت قدامها بسعادة وقالت بفرح 
اجى الوقت اللي أرجع فيه تقى بتاعت زمان اللي الإبتسامة مكنتش بتفارق وشها.
تمت