اسكريبت كامل بقلم الكاتبة المبدعة الست نور ( ٢ )

براحتك.
ضحكت على كلمته وهو كمان شاركني الضحك وأهلنا بصولنا بحب وكأننا متفقين ومش محتاجين وقت نفكر.
كل ده كنت فين واتأخرتي ليه
راحت عليا نومة.
طب اهدي متتوتريش وخدي دول.
ناولني عصير وشوكولاتة وميه وجه قعدني في مكاني في اللجنة ووصى عليا المراقب يخلي باله لو حصلي حاجة وسابني وخرج بعد ما ابتسملي واتمنالي التوفيق.
طمنيني عملتي أي
ممكن تراجع معايا
حاضر بس بعد ما تاكلي.
مش هقدر أبلع حاجة لازم أراجع الأول.
حاضر تعالي نقعد بس.
أخدني من الجامعة على مطعم هادي وطلب لينا أكل وبدأ يراجع معايا الامتحان.
دي حليناها سوا بالليل.
أها حليتها زي ما أنت حليتها معايا.
طيب وآخر سؤال
فين ده
اللي في ضهر الورقة.
خطفت الورقة منه وببص لضهر الورقة پصدمة وأنا بحط أيدي على بوقي وعيوني بتدمع فهو فهم.
بصي اهدي والمهم إنك حالة كله صح مجتش على سؤال يعني.
أنا مشوفتوش والله لو شوفته هحله هسيبه ليه يعني
أنا واثق من ده وعلشان كده بقولك إنك امتياز بإذن الله كده كده أعمال السنة بتاعتك متقفلة والأسئلة كلها صح مفيش غير السؤال ده.
أنا كده مش هرتب على الدفعة وتقديري ضاع وحلمي ضاع.
فضلت أبكي وهو بيحاول يهديني بس أنا كنت محتاجة أروح فطلبت منه يروحني عالبيت فكنسل الأوردر بتاعنا وأخدني وروحني البيت وهو بيحاول ينسيني الزعل بس أنا انطفيت فمقدرتش أتكلم ولا حتى كنت سمعاه.
مالها نور يا مصطفى 
زعلانة على سؤال يا عمي محلتوش في الامتحان.
سؤال واحد هو اللي عامل فيها كده
ما حضرتك عارف ياعمي أن نور عينها عالترتيب والسنة دي خلاص كانت آخر سنة ليها أنا حاولت أطمنها بس هي كأنها مكانتش سمعاني ومش عارف أعملها أي!
الغلط عليا أنا يابني أنا اللي تعبت بالليل ونور سهرت جنبي علشان كده راحت عليها نومة وأكيد مركزتش في الامتحان.
حضرتك تعبت وأنا معرفش! طب ليه مرنتش عليا
مكنتش حابب أقلقك ونور بنتي قامت بالواجب.
طب بالله عليك يا عمي بعد كده لو حصل أي حاجة لا قدر الله ترنلي متستناش ولا أنت هتعتبرني غريب
عنيا حاضر أنت ابني يحبيبي.
تسلم يا غالي أنا همشي دلوقتي وهجيلها بالليل أطمن عليها.
طب اقعد اتغدى معانا يابني.
لأ تسلم يا عمي هبقى أجيلكم تاني يلا سلام
عليكم.
وعليكم السلام ورحمة الله وبركاته.
مشيت وأنا مضايق ومخڼوق من زعلها وإنها أكيد پتبكي دلوقتي وأنا مفيش في أيدي حاجة أعملها.
السلام عليكم..
وعليكم السلام ورحمة الله وبركاته اتفضلوا اتفضلوا.
اومال فين نور يا عمي أنا جبتلها الكنترول كله أهو ورئيس القسم ودكتور المادة يطمنوها إن تقديرها مضاعش ولا حاجة.
ضحك بكل صوته
وربنا أنت لقطة يا مصطفى يابني بقى جايبلها كل دول علشان تقولها أن تقديرها مضاعش
المهم ست نور متزعلش بس.
كنت بضحك بكل صوتي بعد ما الضيوف مشيوا وقعدنا أنا وهو على عتبة السلم وبفتكر دخلته علينا بالدكاترة.
طب وإزاي أقنعتهم
أي متعرفيش أنا مين ولا أي
باباك رئيس