اسكريبت رائع بقلم الكاتبه أيه حمام
حقك عليا بس أنت عارفة إني مليش غيرك وبخاف عليك
عارفة زي ما عارفة إن مخك محتاج إعادة برمجة ومحتاج يثق في الناس شوية
يا بنتي واحدة متعرفيهاش أصلا وراحة تخبطي على بابها بتجربي حظك يعني معاك يا ستي إنها طلعت كويسة إفرضي بقا كانت العكس
بعدين إحنا مكملناش شهر هنا علشان نعرف حد ولا حد يعرفنا تقومي تروحي للست تقولي لها تعمل لك بتنجان
عسولة وطيبة إشفيها وإهديها وصبرني يارب
خلاصة الكلام يا آية هي كتر خيرها إنها ساعدتك وأنت ملكيش دعوة بحد متعرفيهوش تاني عايزة حاجة أطلبيها مني أنا
مبتحضنيش مستبدين مين دا أنت من يوم ميلادك وأنت لازقة في حضڼي ولا كإنك قريني عيلة ملزقة
طب إطلع برا أوضتي بقا ومفيش أكل بكرة
لو جدعة إعمليها
باس راسي وخرج راح أوضته شوية وإفتكرت إننا قومنا مټخانقين من على الأكل أصلا فخرجت ألم الأطباق بس لقيته لمهم ومظبط الدنيا طب والله يا بختها بيه ال أمها داعية عليها
إحتمال أتأخر النهاردة
ودا ليه إن شاء الله
معرفش هم بعتوا لنا قالوا إحتمال نتأخر في شغل النهاردة
أقول لك متطبخيش بجد أنا هجيب أكل لينا وأنا جاي
احم صباح النور يا طنط
دا أخوك
آهه دا آدم
اللهم بارك ربنا يحفظه ليك
يارب
طب أنا نازل إقفلي على نفسك ومتخرجيش
طب حاول متتأخرش لحد باليل أنت عارف إني بخاف
حاضر
بقول لك يا ابني
نعم يا طنط
خليها تقعد معايا أنا قاعدة لوحدي وهي لوحدها وأهو نونس بعضنا
تتقلوا إيه بس بالله عليك وافق
كنا على باب الشقة بودعه وهو نازل الشغل وكانت هي لسة طالعة من تحت وشافتنا وقالت كدا بعد رفضه وإصرارها ونظرتها بص لي وسألني
عايزة تروحي
ال تقول عليه
طيب بس لو رنيت ومردتيش أو موبايلك كان مقفول هزعلك
حاضر
عايزة حاجة
تشربي إيه أو قولي لي فطرتي ولا أجيب لك تفطري
أقعدي بس هو أنا جاية أتعبك بعدين فطرت من بدري
بألف هنا يا حبيبتي خلاص هجيبلك عصير جوافة بعمله للواد غيث ابني بس مايغلاش عليك
طب والله أنا مش مصدقة إن الست دي بجد دي عبارة عن كتلة طيبة متحركة يا بخت ابنها بيها والله
إتفضلي يا حبيبتي
تسلم إيدك أقعدي بقا وإرتاحي
قعدت أهو إحكي لي أنت بقا عنك
مفيش أنا عندي 23سنة لسة متخرجة من كلية تربية وآدم خريج صيدلة وشغال في شركة أدوية بابا إتوفى وأنا في تانية ثانوي وبعدها بكام
