العروسة هربت بقلم هبة عامر
معاذ اصلا انتى شكلك اتجننتى يابنت انتى وبعدين انا مش جاية اخد رايك اصلا انا جاية بس عشان اعرفك الخبر واقولك تجهزى نفسك بالليل عشان العريس مستعجل اوى وجاى عشان يكتب الكتاب وياخدك وتسافرى معاة
علا
.. وانا قولت مش موافقة ومش هتجوزو هو اى الجواز بالعافية ولا اى
امها
.. حياااة عقلى اختك بدل ما اخلى ابوها يعقلها بطريقتة كل ماعريس يجيلها ترفض ترفض اييية انتى مفكرة نفسك ميين انا هنزل دلوقتى ساعة زمن وتكونى اقنعتيها ياحياة والا مش هيحصل كويس سامعين
.. حااضر يا ماما انزلى انتى بس وانا هتكلم معاها
نزلت الام وحياة مكانتش قادرة تقف على رجلها قعدت على طرف السرير ومسكت دموعها بالعافية وقالت
.. اية يا علا بقى حد يرفض عريس زى دا برضو وبعدين طالما اتقدملك يبقى اكيد بيحبك مترفضيش ياعلا
علا بصتلها باستغراب وقالت
.. انتى ازاى كدا ازاى قادرة تخبى مشاعرك جواكى ازاى قادرة تقنعينى اتجوز حب عمرك يا حياة انتى اكيد مش طبيعية
.. يابنتى داا داا كان حب طفولة ومراهقة وانتى عارفة المشاعر دى بتتغير مع الزمن كل البنات حبو فالسن الصغير دا وبعدين بقو شايفين الشخص عادى ومش فارقلهم اكيد انا كمان كدا
علا
.. اة ماهو واضح بامارة ماكنتى بتتنططى من شوية لما سمعتى خبر رجوعة انتى بتضحكى على مين عليا ولا على نفسك يا حياة انا مش ممكن اتجوز واحد اختى بتحبة او حتى كانت بتحبة عشان تريحى نفسك
... متعيطيش يا حياة انا هعرف ازاى اتصرف فالمصېبة دى
وبالليل وصل معاذ وابوة وكان بكامل اناقتة واستقبلو عمو حسن اللى رحب بيهم جدا
حسن قال
.. حمد لله عالسلامة نورتو البيت
اخوة فؤاد
.. الله يسلمك البيت منور باهلة ياحسن
معاذ
.. الله يسلمك ياعمى
عمهم قال
.. بسم الله ماشاء الله بقيتو زى القمر يابناات ياريتنى عندى ابن تانى مكنتش سيبتكم ابدااا ههه
ردت الام لما البنات سكتو
.. تسلم يا فؤاد بناتى زى بناتك بالظبط طول عمرك حنين عليهم ربنا يكرمك يارب
فؤاد
.. طب انا عايز ادخل فالموضوع على طول بقى احنا جايين النهاردة عشان نطلب ايد علا لابنى معاذ
.. ومستعجلين اوى كمان عالجواز عشان كلها كام يوم وهنرجع لشغلنا فى لندن يعنى هيبقى خطوبة وكتب كتاب فى يوم واحد هاا اى رايكم
الاب والام كانو فرحانين اوى اما حياة فكانت بتبص لمعاذ بحزن وهو بيبصلها پصدمة اما علا فكانت فى قمة ڠضبها وكانت لسة هتعترض لكن سمعت عمها بيقول ..
حياة داست على رجل اختها جامد عشان ترد وتقبل وفعلا اول ماداست على رجلها علا قالت
... اااااااة
عمها
.. على خيرة الله الف مبروك يا ولاد ان شاء الله بكرة هنيجى ومعانا الماذون معلش بقى مضطرين نعمل كل حاجة بسرعة وبكرة ياعلا هتلاقى احلى فستان وصلك ومعاة ميكب ارتيست ولو احتاجتى اى حاجة اتصلى بمعاذ بقى واطلبى اللى محتاجاة.
قعدو شوية كلهم يتكلمو ويضحكو اما معاذ فكان بيقول فى نفسة
... يانهار اسوح انا ازاى هطلع نفسى من التدبيسة دى ابويا فهم غلط وبدل ميطلب حياة طلب اختها طب اتصرف ازاى دلوقتى بعد ما علا وافقت شكلى هيكون وحش اوى لو قولت انا عايز اختك مش عايزك انتى وبعدين دا كتب الكتاب بكرة انا لازم اتصرف
وتانى يوم معاذ كان رايح جاى فالاوضة احمد صاحبة قالو
.. يابنى اهمد بقى واقعد خايلتنى خلينا نفكر بهدوء وبعقل اكيد هنلاقى حد للورطة بتاعتك دى
معاذ
.. هدوء اى بس دا النهاردة كنب الكتاب فاهم يعنى اى يعنى انا بتدبس وش
احمد
.. طب بقولك اى متتصل بعلا وحاول تفهمها بالراحة كدا انة حصل سوء فهم وانك جاى تخطب اختها وابوك فهم غلط يمكن تطلع بتفهم وتاخد الكلام بعقل
معاذ
.. يابنى علا دى طول عمرها بت مرووشة ومبيعجبهاش العجب يعنى اكيد اهلها مصدقو انها وافقت عليا لانها بترفض اى عريس يجيلها متفهمش بقى محدش عاجبها ولا فية حد تانى فى حياتها اصلا
احمد
... جرب
