زواج بالاجبار
حقك عليا نزل راسو بكسوف وقال. من اول يوم استقبلناكي كده اكيد بتقولي امال بعد كده هيحصل ايه
ندى صعب عليها ردت بسرعه ابدا والله وانت متشلش هم صدقني كل شيئ هيتحل
سليم ابتسم وقال محدش شايف ان كل شئ هيتحل غير انتي واختك
ندى بثقه مدام هنا قالتلك كده تصدقها انت متعرفش هنا لما تحط شئ في دماغها
سليم ابتسم وقال عارف تصبحي على خير
ندي كانت جمب هنا ومبسوطين سوا وبيتكلمو ويهزرو مع امال وسليم
حاتم كان ساكت وبيشرب قهوتو بص لسليم وقال مش كنتو تفضلو انهارده حتي في اوضتكم ده انتو عرسان وبص لهنا باستفزاز وقال ولا فيه حد وحشك مقدرتش متشفوش
سليم اتنهد بضيق وكان هيتكلم هنا قالت بسرعه .طبعا لازم ينزلو وكل يوم كمان انا مصدقت اشوف اختي حبيبتي كل يوم ندى ابتسمت بحب وهنا بصت لسليم بتحذير انو ميردش عليه
حاتم بضيق ماما ييجي ماشي لاكن يقعد كام يوم لا
امال باستغراب وفيها ايه يا بني مهو كل اجازه بيجي ويقعد عندنا اشمعنا دلوقتي الي بترفض
سليم رد بتلقائيه قبل حاتم وقال ايوه يا ماما الاول كنا شباب بنقعد مع بعض وانتي خالتو بس دلوقتي فيه ستات في البيت هنمشي ونسيبو هنا ولا ناخدو معانا ولا ايه وده ولد ساف ل اصلا مبيصدق اي فرصه
من سليم يا ماما هو اكتر واحد عارف ان الي بيلاقي فرصه بيستغلها حتى لو مع اقرب حد ليه
سليم اتضايق جدا وكان هيتكلم بس هنا قالت طبعا اي شاب يلاقي فرصه يعمل حاجه غلط هيعملها طالما الست سمحتلو بكده بس متقلقش ياحاتم انت سايب اسود وراك سواء انا او اختي محدش يقدر يتمادى معانا بكلمه فتمشي وانت مطمن
حاتم قال بجديه .الموضوع منتهي قوليلو حاتم مش موافق علشان فيه ستات في البيت
امال بس انا كده هحرجو واحرج نفسي
حاتم بحزم .معلش يا ماما علشان خاطري مينفعش انا هبقى بعد فتره اعزمو بس انتي عارفه انو قليل ادب وخالتي اصلا مش هتزعل انا عارفها
حاتم قام وكان هيمشي بس محبش يمشي من غير ما يضايق سليم زي العاده بص لندى وقال اه صحيح يا عروسه بمناسبة الامان خدي بالك على نفسك ديما اقفلي الباب حتي لو انا بس الي في البيت لان حتى الاخ ملوش امان في الزمن ده
سليم هنا اتنرفز جدا وكان على اخره وقف واتقدم على حاتم پغضب لاكن هنا كانت اسرع جريت على حاتم وقالت توصل بالسلامه يا قلبي ابقى طمني عليك لما توصل بفضل قلقانه
حاتم اخد تلفونه ومشي من غير ما يرد عليها ولا يتكلم نص كلمه و طلع على الشركه
هنا طلعت على اوضتها وهي قلبها بيدق بقوه مش عارفه ليه
ندى طلعت وراها وقالت بسرعه هنا عايزه اسألك سؤال وحياتي عندك تردي عليه
هنا .اسألي
ندى .ايه الي مزعل حاتم من سليم سليم قالي انهم مټخانقين بس الي بيعملو حاتم وتلميحاتو بتقول ان فيه حاجه كبيره و غريبه ما بينهم
هنا كانت هتتهرب بس محبتش تكدب عليها خصوصا انها مسيرها تعرف حكتلها الحكايه كلها ندى في الاول اټصدمت جدا بس اتفقت مع
هنا انهم يعملو الي يقدرو عليه علشان يصالحوهم
باليل هنا
كانت في الاوضه وحاتم دخل وباين عليه الضيق اوي
هنا قامت وقفت وراحتلو وقالت خير فيك حاجه زعلان من حاجه
حاتم پغضب وزعيق وانتي مالك انتي قولتلك مېت مره خليكي في حالك احسنلك
هنا اتخضت من ڠضبو الغريب وقالت من غير ماتفكر فيه يا حاتم انت تخانقت مع سليم تاني ولا ايه
حاتم بصلها پغضب رهيب وقال اه سليم بتسألي علشان سليم خاېفه عليه اوي حضرتك لو خاېفه عليه كده بټعذبي نفسك ليه انزليلو معنديش مانع تباتي معاه ولو على ندى انا هنادي عليها واهو نبدل يوم في الاسبوع علشان متمليش وو
قاطعتو هنا بقلم قوي جدا خلى حاتم برق من الزهول والصدمه ووو
قاطعتو هنا بقلم قوي جدا خلى حاتم برق من الزهول والصدمه بصلها پغضب اعمى وقال انتي عملتي ايه وزعق جامد رديييي عليا
هنا بصتلو پغضب اكبر عملت الي نفسي اعملو من يوم ما شوفتك عملت الي من حق اخوك وامك يعملوه من زمان انت ايه مبتفهمش طيب مبتحسش من يوم ما دخلت البيت ده وانا ساكته على اھانتك الي بسبب وبدون سبب مخلتش حاجه معملتهاش مش تصرفات انسان عاقل مش تصرفات انسان اصلا ناوي تطلع من العلبه الي حابس نفسك فيها امتى .اتظلمت. وايه يعني ياماناس اتظلمت بس بتحاول متظلمش حد والدتك مثلا ذمبها ايه تشوفك بتتحول لوحش قدامها ولاده مش ظلم في نظرك ذمبها ايه اختي تعيش ليله امبارح ولا ده مش ظلم في نظرك وانا انا زمبي ايه اعيش الي انا عيشاه بسبب انك زعلان من اخوك ولا ده مش ظلم في نظرك حسيت بالخزلان من الي حبتهم مصېبه دي يعني ليه مفكرتش ان ربنا اراد ينجيك من انك تعيش عمرك مخدوع لاكن انا بتكلم مع مين اصلا الي زيك مستحيل يحس بنعمه مستحيل يقول الحمد لله خليك زي مانت ضايقني زلني اكسرني طلع كل غضبك عليا المهم تكون مبسوط لان حاتم بيه مينفعش يزعل انما انا في داهيه
هنا كانت بتتكلم بۏجع ودموع على خدها حاتم كان مركذ مع كل كلمه قالتها كانت هتمشي بس حاتم شدها لحض نه بطريقه سريعه ازهلت هنا بشده
حاتم كان حاض نها بقوه وتملك كأنو بيخبيها بين ضلوعه غمض عينه پألم وهنا كانت منزله دراعاتها ومصدومه منو فضل شويه كده كان حاسس احساس غريب حابب قربها ومش عايز يسيبها بس فاق لنفسه لما هنا حمحمت كأنها بتديه اشاره انو يبعد
حاتم فتح عنيه بحرج وبعد عنها ببطأ وقال انا اسف
هنا بكسوف وابتسامه بسيطه عادي. احم عادي بتحصل
حاتم ابتسم ابتسامه جانبيه وقال انا بعتذر عن الي قولتو من شويه مش علشان حضنتك انا احضنك براحتي و امتا ما احب ده شئ من حقي
هنا باستغراب حقك بأمارت ايه بقى ان شاء الله
حاتم بثقه بامارت انك مراتي ولو حابه افكرك ده اولا وثانيا انا اول مره اعتذر لحد وده لاني اول مره احس ان فيه حد يستاهل اعتذرلو ثالثا بقى ومسك ايدها بقوه وقال پغضب. ايدك الحلوه دي لو طولت تاني هكسرهالك لان بردو اول مره حد يعمل معايا كده فاحمدي ربنا اني عدتهالك تمام
ساب ايدها
