قصة كامله

انا سامعاك 
ادهم بدا يبكي قبل ما يحكي اي حاجه
مريم خلاص يا ادهم بدام مش قادر تحكي بلاش
مريم طب احكي وبلاش ټعيط عشان خاطري
ادهم كنت بحب واحده ايام الكليه فضلت احبها سنتين في السنتين دي كنت معمي على كل عيوبها هي كانت عايزاني عشان فلوسي كانت بتسحب مني فلوس كتير قوي بس انا كنت ما باخدش بالي لاني كانت بحبه في
تانيه كليه طلبت مني انينا نتجوز قلتلها اني لسه بادئ حياتي حتي لسه مخلصتش كليه قالتلي هنبداها مع بعض ونشيل بعض ونقف جنب بعض اتكلمت مع بابا وبعد مشاكل معاه وخناق وافق عملنا الخطوبه وبعد شهرين جت قالتلي يلا نتجوز قلتلها يا بنتي انا هتجوز ازاي انا لسه ما بداتش حياتي واحنا اتفقنا خطوبه سنه على حتى ما اقف على رجلي قالتلي لا نتجوز دلوقتي قلتلها ازاي قالتلي هنبدا حياتنا في الشقه اللي في الزمالك بتاعه والدك نتجوز فيها واحده واحده هنبني نفسنا بنفسنا
مريم وطبعا وافقت واتجوزتها 
ادهم ايوه وافقت ودي كانت اكبر غلطه في حياتي اتكلمت مع بابا وهو وافق وظبط الشقه واتجوزنا قعدنا سنه وربنا كرمنا بيزن كنا عايشين حياه مستقله وحياه حلوه قوي حتى بعد ما خلفت فضلنا برده عايشين حياه حلوه هي كانت ساعتها كويسه معايا وبعد سنتين من الجواز بدات تتغير بطريقه فظيعه طلبت مني اجيب لها دادا في البيت وانا جبتلها
واول ما الدادا جت بدات هي تخرج وتسهر ما كانتش بتيجي غير على وش الصبح كنا پنتخانق كل يوم وانا عشان كنت عايز المركب تمشي كنت يوم استناها لما تشرف وش الصبح ونتخانق انا وهي ويوم كنت بطنش وجيت فتره سبت لها البيت فيها اسبوعين جاتلي الفيلا عند والدي وصالحتني ورجعت معاها تاني قاعدت اسبوعين بالظبط كويسه ورجعت تاني تسهر لحد ما ابني تم الثلاث سنين ساعتها كان بقلنا اربع سنين متجوزين
لقيت الداده بترن عليا بتقولي انها صحيت من النوم ما لقتش يزن جريت زي المچنون في المستشفى ونزلت ورحت البيت لقيتها لمت هدوم يزن وخدته ومشيت فضلت ادور عليها ما لقيتهاش ولا لقيت حتى اي خيط يوصلني ليها سالت على الشقه قالي انت مين يا باشا قولتله انا عايز اصحاب الشقه دي قالي هم لسه مسافرين بقلهم تسع ساعات قولتله طب انا ابني جوه عايز ادخل اخده البواب قالي طب ثواني اجيب المفتاح وهندخل نجيبو البواب في ثانيه كان جايب المفتاح واول ما دخلنا جريت في الاوض ادور عليه لقيته مرمي على الارض في المطبخ جريت وطلعت بيه على المستشفى اول ما دخلت الدكتور قالي سيبو واطلع بره قولتله لا انا مستحيل اسيبه ده ابني قالي لو سمحت سيبنا نشوف شغلنا سبتو وخرجت بعد ربع ساعه الدكتور طلع وقالي البقاء لله ابنك مېت انا ابني عايش مماتش ممكن تنادي دكتور اعلى منك يكشف عليه الدكتور استهدا بالله ابنك مېت البقاء لله الدكتور سابه ومشي وفي نفس الوقت التليفون بتاعي رن لقيت نفس الرقم اللي رن عليا قولتله ورحمة امي ما هسيبك قالتلي انا غلطانه اني عرفتك على مكان ابنك قولتله عملتي كده ليه قالتلي جالي عرض بره مصر حلو اي حسيت اني ابنك هيقف عقبه في حياتي قرارت امشي على مقولة لو جالك الطوفان حط ابنك تحت رجليك صوتله في التليفون وقولتله مجيبتهوش ليا ليه كانت انا هربي قالتلي انا 
ادهم بعد ما قالتلي كده شكيت عملت تحليل وطلع اني يزن ابني من ضهري خاتو ودفنته ومن ساعتها وانا في الحاله دي 
مريم انت كويس
ادهم ايوه انا كويس قوي 
مريم طب الحمد لله
ادهم ممكن اعرف ايه اللي حصل امبارح 
مريم انت كنت تعبان قوي اديتك العلاج ونمت
ادهم انا حكيت لك حاجه امبارح
مريم انت حكيتلي على كل حاجه بس ما تخافش سرك عمره ما هيطلع لمخلوق 
ادهم بصي يا مريم عشان ما اظلمكيش معايا انا مش هينفع ابدا حياه جديده لو انتي عاوزه تطلقي قوليلي وانا هطلقك وتبداي حياتك مع حد يستاهلك وتستاهلي بعد اذنك
ادهم قام ودخل الحمام وكان بيقول الكلام ده من ورا قلبه غير هدومه ونزل كانوا كلهم قاعدين على الفطار قعد وهو ومريم
سهام اللي عنده ډم احسن من اللي عنده عزبه 
احمد تقصدي ايه 
سهام احنا مش قلنا النصايب دول كانوا هيمشوا انا مش عارفه ايه اللي قعدهم انا قلت هرتاح من القرف ده 
مريم حضرتك انا قاعده في بيت جوزي وبيت عمي قبل ما يكون بيت جوزي فهو بيت عمي ما حدش يقدر يطلعني بره
سهام يعملك ايه تاني اكتر من الي هو عمله عشان تمشي وتسيبي البيت وتطلعي من حياتنا بقى انتي واختك
مريم كانت لسه جايه تتكلم ادهم مسكه من ايديه وضړب الشوكه في قلب السفره 
ادهم بدا بزهق وبعصبيه 
ادهم ايه يا امي انت عايزه ايه 
سهام انا عايزاك تكون مبسوط يا حبيبي
ادهم لو سمحتي مريم مراتي واللي هيوجهله نص كلمه كانه وجهه لي انا اي حد ياذي مراتي كانه اذاني انا لو سمحتي بلاش تدخلي بيني وبين مراتي
ادهم قام من على السفره ومسك ايد مريم 
ادهم يلا يا مريم 
ادهم خد مراته وطلع على الغرفه
مريم انت كلمت امك باسوء قوي 
ادهم انا ما بحبش اي حد يجي علي حد انا بحبه ويخصني 
مريم تحبه يعني انت 
ادهم احم طب بعد اذنك انا هنزل الجنينه شويه 
في الغرفه عند ساره ويوسف 
ساره يعني ينفع الي مامتك قالتو
يوسف يعني هو ادهم سكتلها 
ساره بس انا كنت عايزه انت ترد عليها ادهم دفع عن مراته 
يوسف انا وادهم واحد لو ما كانش هو رد كانت انا رديت
ساره طب بعد اذنك انا هنزل تحت 
يوسف
يوسف ممكن اعرف ردك ايه على الكلام اللي قلتهولك امبارح
ساره قصدك كلام ايه انت لكاك وبتتكلم كتير
يوسف يعني انتي مش فاكره اني قلتلك اي حاجه امبارح
ساره لا 
يوسف خلاص انتي مش عايز تنزلي يلا انزلي
مريم مساء النور
مريم اي يعم سرحت كل ده في اي 
ادهم وآله حاجه 
مريم طيب 
ادهم حدادي معاد علشان احضر الماذون علشان الطلاق 
مريم ادهم انا اسفه 
ادهم وبتتاسفي على ايه انت ما غلطتيش الغلط كان من عندي انا
مريم بجد ما كنش قصدي
ادهم انا اللي نسيت نفسي فكرتك حبيتيني وانتي الحقيقه عمرك ما حبتيني ولا هتحبيني انتي بس بتشفقي عليا وعلى العموم انا هحدد ميعاد بكره بالليل مع الماذون عشان نخلص كل حاجه
مريم لا ما تعملش كده انا بجد ما اعرفش عملت كده ازاي انا اسفه ر وانسى حكايه الماذون دي خالص 
ادهم الكلام بينا خلص بعد اذنك
ادهم ساب مريم ودخل اوضه الضيوف ونام فيها مريم حاولت تتكلم معاه تاني لكن خاڤت منه رجعت اوضته وفضلت تبكي تاني يوم احمد بيرن على مريم
احمد ايه يا مريم ممكن لو انتي صاحيه تنزلي
مريم حاضر يا عمو انا نازله حالا في حاجه ولا ايه
احمد انزلي وهتعرفي كل حاجه
مريم حاضر انا نازله مريم
مريم قامت غيرت هدومها ونزلت
مريم خير يا عمو في ايه
احمد ده الدكتور محمد يبقى الدكتور اللي بيعالج حاله ادهم
محمد ازيك يا مدام مريم 
مريم انا كويسه الحمد لله خير يا دكتور في حاجه
محمد انا بس كنت حابب اتكلم معاكي ممكن 
مريم ممكن طبعا اتفضل
محمد انا بعالج حاله استاذ ادهم بقالي سنتين وهو رافض يحكي لي اي حاجه
وانا مش عارف اني اعالجه فقلت جايز في الفتره اللي انتم قعدتوا فيها مع بعض دي يكون حكلك حاجه قالك حاجه اي حاجه تساعدنا اني انا اعالجه ممكن لو حكالك اي حاجه تحكيلي
مريم بصت حوالين منها 
محمد انا بتمنى اني حضرتك تساعديني عشان بس نقدر نعالجه
احمد افتكري يا بنتي لو انتي لاحظتي عليه اي حاجه قوليلنا
مريم لا
هو ما حكاليش اي حاجه ولا اعرف اي حاجه عن الموضوع ده
محمد يعني ولا اتكلم معاكي في اي حاجه تخص الماضي بتاعه واي اللي خلاه يوصل لكده
مريم قامت وقفت
مريم اظن يا عمو اني انا جوزي كويس وطبيعي مش محتاج لدكتور والحاله اللي بتجيله دي ضغط من الي مر بيه مش اكثر وبتيجي لاي حد ومن ناحيه ان هو حكلي حاجه لا هو متكلمش معايا ولا حاجه انا جوزي بس عنده ضغط بسبب ابنه وما فيش اي حاجه حصلت في الماضي بتاعه واحد ابنه ماټ طبيعي يبقى حالته كده ممكن يا دكتور محمد تنسى حاله ادهم هو مش محتاج دكتور انا مراته وهقدر اعالجه واخليه احسن من الاول انا لو شايفه ان في حاجه كنت حكيته لحضرتك بس ما فيش اي حاجه فلو سمحت انا لما احتاج حضرتك هرن عليك وياريت ما تشغلش بالك بحاله ادهم 
احمد انتي ازاي تقولي كده ما ينفعش انا اسف جدا يا دكتور
مريم يا عمو انا بتكلم كلام بجد انا جوزي ما فيهوش اي حاجه انا جوزي طبيعي ولا في اي حاجه فبدل ما نشغل الدكتور بمشاغلنا يشوف حاله تانيه يعالجه
محمد خلاص ماشي رقمي معاكم
لو في اي حاجه ممكن حضرتكم تكلموني
مريم حاضر شرفت يا دكتور 
ادهم كان واقف بعيد وسامع كل الكلام اللي مريم قالته زاد حبها في قلبه لانها حفظت السر ومارضيتش تقول السر لاي حد ومن ناحيه التانيه حابه تحافظ على جوزها وتقف جنبه اتعلق بيها اوي بس في نفس الوقت ما يقدرش ينسى اللي هي عملته معاه
في نفس اليوم بالليل كان ادهم بيلعب بالجيتار دخلت مريم عليه 
مريم هو انت هتفضل مقموص مني
ادهم 
مريم ده انت كمان ما بتردش
ادهم انا مش فاضي ممكن تسيبيني في حالي
مريم لا مش هسيبك 
ادهم بعد اذنك سيبيني في حالي
مريم هو انت مش قلت ان الماذون جاي ما جاش ليه
ادهم ما كنتش اعرف ان انتي مستعجله على الماذون اوي كده على العموم هو مش فاضي اسبوع وهيجيلنا وهيتم بالطلاق ومن هنا لحد ما الاسبوع يعدي هنام انتي في اوضه وانا
في اوضه 
مريم انت قلبك اسود اوي 
ادهم بعد اذنك
ادهم ساب مريم ومشي
مريم نفخت ومش عارفه تعمل ايه 
وبعد مرور اسبوع ادهم ما كانش بيتكلم مع مريم خالص ومريم كانت بتحاول تصالحه وهو ما بيردش عليه
بعد مرور اسبوع يوسف كان رايح على الكليه
مريم يوسف لو سمحت يوسف ايوه يا مريم في حاجه مريم ممكن اطلب منك طلب تساعدني فيه 
يوسف ايوه طبعا اتفضلي
مريم ممكن اعرف شقة ادهم اللي هي في الزمالك اللي كان متجوز فيه
يوسف وانت عايز تعرفي مكانها ليه
مريم انت ممكن تساعدني وخلاص لو عايز تساعدني لو هتفضل تسال يبقى بلاش 
يوسف لا مش قصدي بس انا مستغرب يعني 
مريم انا عايزه العنوان بس ممكن
تكتبلي العنوان