رواية حبي الأول مكتملة بقلم نيرة عبد الله

بنت وبيضحك معاها
تفتكروا مين البنت دي! 
ويتري شيما هتتضايق ولا الموضوع مش هيفرق معاها!
حبي الاول بقلم نيرة عبدالل
وقابلوا بسمه هناك واخدوا الدرس وهما ماشين شافوا احمد واقف مع بنت وبيضحك معاها 
نور هي مين البنت اللي احمد واقف معاها دي 
بسمة دي تبقي هند أخته واكبر مننا بسنتين 
شيما بنرفزه وهي عشان اخته يعني ده يديله الحق انه يقف ويهزر معاها في الشارع كده 

نور باستغراب وانتي مضايقه ليه ي شيمو 
شيما بتوتر ها مش مضايقه ولا حاجة بس محدش يعرف انها اخته وكده وممكن اي حد يشوفهم يقول عليهم كلام مش لطيف وبعدين يلا خلينا نمشي من الشارع التاني 
بسمة وماله الشارع ده ما احنا بنمشي منه كل مره 
شيما تغيير ي ستي مفيهاش حاجة ولو عاوزين تمشوا من الشارع ده امشوا بس انا همشي من الشارع التاني 
نور خلاص ي ستي نمشي من الشارع التاني
ولسه هيمشوا أحمد شافهم ونده علي بسمة وشيما أخدت نور ووقفوا بعيد شويه 
أحمد وهو عينه علي شيما ازيك ي بسمه عامله اي واخبار طنط اي 
بسمه الحمد لله ي احمد كويسين 
شيما بضيق يلا ي بسمه عشان نمشي متأخرين 
بسمه حاضر جايه اهو وقالت لاحمد معلش ي احمد مضطره أمشي وابقي سلملي علي طنط سلام 
ومشت هي وشيما ونور واحمد كان واقف مستغرب شيما ليه مضايقه
في بيت شيما بالليل 
شيما كانت قاعده في أوضته بتذاكر وكانت كل ما تفتكر انها شافت احمد واقف مع أخته كانت تتضايق وتحس بزعل مش عارفه سببه لحد ما تليفونها رن وكانت نور 
شيما ردت عليها الو ي ست نور 
نور مالك ي بت فيكي اي 
شيما مفيش هيكون فيه اي يعني 
نور عليا انا برضوا اعترفي فيه اي 
شيما نور اقفلي دلوقتي انا مش طايقه نفسي ولا طايقه حد 
نور بت فيه اي اظبطي كده احسنلك كل ده عشان شوفتي أحمد واقف مع أخته 
شيما باندفاع وهو واقف معاها ليه اصلا يعني الناس هتقول اي لما يلاقيه واقف مع بنت وبيضحك معاها هي كل الناس عارفه انها اخته لا طبعا هيقولوا عليه بتاع بنات 
نور هو ده بقى اللي مضايقك خاېفه عليه ولا اي 
شيما بتوتر ها لا خاېفه علي أخته 
نور اخته طب مهو واضح بقولك انا هقفل عشان عاوزه أنام وبكرا الساعه 5 الاقيكي جاهزه عشان رايحين مشوار 
شيما مشوار اي ده 
نور هتعرفي بكرا يلا باي وقفلت معاها
وشيما دخلت عشان تنام ومسكت الفون وفضلت تقلب في الفيس لحد ما لاقت اكونت احمد قدامها وفضلت متردده تدخل تقلب فيه ولا لا 
شيما في نفسها ادخل اقلب فيه شويه لحد ما يجيلي نوم ولا لا ولسه هتضغط عليه بس قالت لا لا مش هعمل كده انا مالي بيه أصلا ولا اعرفه منين وقفلت تليفونها ونامت 
في بيت احمد 
كان بيكلم محمد في الفون 
محمد ي بني زهقتني بقالك ساعه بتتكلم في نفس الموضوع
وفي الاخر موصلناش لحاجة 
احمد ايوا عاوز اعرف اي اللي زعلها فجاه وخلاها تمشي من شارع تاني اول ما شافتني معن انا شوفتها وهي جايه من اول الشارع وبتضحك مع صحابها 
محمد معرفش بس ممكن عشان شافتك واقف مع هند وهي مكنتش تعرف آنها اختك وفكرتها بنت زميلتك 
احمد طب ما انا ندهت علي بسمة وقصدت كده عشان اوضح ليها الموضوع 
محمد بقولك اي ابقي اسألها بكرا وريحني
احمد ازاي يعني 
محمد ي بني ما صحبتها نور عامله ليها حفله عيد ميلاد في كافيه وعازمه كل المدرسه 
احمد بتتكلم بجد طب بقولك اي تيجي بدري واياك تتاخر فاهم 
محمد بضحك يعيني علي الحلو لما تبهدله الأيام يعيني 
أحمد اتلم ياض وادخل نام
تاني يوم 
نور صحيت واخدت شاور ولبست بنطلون بيج وبلوزه ستان لونها ازرق وصندل بنفس اللون وطرحه وشنطه بيج وميكب خفيف وبيرفيوم
وراحت عند شيما وأول ما وصلت شافت مراد 
مراد طلعي البلوزه لبرا ي نور 
نور بس هي عجباني كده 
مراد بعصبيه سمعتي انا قولت اي 
نور مراد ميه مره أقولك متعليش صوتك عليا فااهم وبعدين انت ملكش حكم عليا 
مراد بصلها پغضب وسابها ومشي
ونزلت شيما وهي لابسه دريس لونه ازرق وهيلز اسود وطرحه بيضة وميكب سمبل ورقيق وشنطه سوده 
نور اي القمر ده وحضنتها 
شيما عيونك الحلوين ها قوليلي هنروح فين 
نور بضحك اصبري شويه وهتعرفي
وركبوا اوبر وراحوا الكافيه واول ما دخلوا الكل قال لشيما كل سنة وانتي طيبة في صوت واحد وشيما فرحت اووي وحضنت نور بحب وسلمت علي الكل واحمد كان بيبص لشيمو باعجاب وهي كانت ملاحظه نظراته وكان جواها مبسوط 
احمد شيما كل سنة وانتي طيبة والعمر كله ليكي 
شيما بكسوف وانت طيب شكرا ومشت من قدامه بسرعه 
وبعدها شيما طفت الشمع وقطعت التورته
وبعدها قرروا انهم يلبعوا لعبه ان كل واحد هيسحب ورقه والورقة دي فيها حكم لازما ينفذوا وكانت اول واحده هتسحب هي شيما وكان حكمها انها تغني وغنت أغنيه خليني في حضنك والكل كان معجب بصوتها خاصه احمد وهي كل شويه كانت تبص لاحمد وهي بتغني
وبعد ما خلصت الكل سقف ليها بإعجاب شديد وحد من زمايلها قال صوتك حلو اووي ي شيمو وبعدين انتي كل حاجة فيكي حلوه حتي شكلك وضحكتك ياخدوا العقل 
أحمد بصله پغضب وقال 
توقعاتكم للي جاي !
حبي الاول بقلم نيرة عبدالله
أحمد بصله پغضب وقال ما تتلم يعم انت وتاخد بالك من كلامك 
الشخص انت مين اصلا وبعدين انت مالك بتتدخل بيني وبينا ليها وعلي ما أظن ان شيمو مش مضايقه ولا اي 
شيمو ايوا طبعا ي مروان هضايق ليه وبعدين انت زي اخويا بالضبط ومفيش حد هنا له حق انه يدخل 
احمد بصلها پغضب واخد بعضه ومشي ومحمد راح وراه 
بسمة انا اسفه ي شيمو علي تصرف احمد معرفش هو اي اللي عمله ده أصلا 
شيمو حصل خير ي بسمه بس ياريت تقوليله يلزم حدوده 
بسمة أكيد ي شيمو هكلمه انهارده واقوله 
شيمو أفندم وتكلميه ليه 
بسمة عشان أقوله انك اضايقتي 
شيمو لا اياكي تتكلمي معاه كفايه اللي قولته له وهو اكيد عرف غلطه 
نور طب ممكن نقفل علي الموضوع ده ونكمل لعب بقي 
مروان ايوا نور معاها حق انا اللي عليا الدور وسحب الورقه وكان عليه الدور انه يمثل وفضلوا يكملوا لعب ويضحكوا ويهزروا
محمد اي اللي انت عملته ده ي أحمد 
أحمد انت مش شايف كان بيتكلم معاها ازاي وبيقولها اي
محمد وانت مالك بتتدخل ليه اصلا وفي الاخر حرجتك 
أحمد بعصبية محمد قفل علي الموضوع ده
محمد حاضر ي احمد بس فوق شويه لنفسك بقي 
أحمد بصله وطلع بيته ومحمد راح بيته
في بيت شيما 
نور بس شكله بيحبك وبيغير عليكي اووي 
شيما هو مين ده 
نور بغمزه أحمد 
شيما وهو يغير عليا بصفته اي اصلا وبعدين يغير عليا من مروان ده اخويا في الرضاعه 
نور بس محدش يعرف انه اخوكي الرضاعه 
شيما نور انتي هتستعبطي ما كل زمايلنا عارفين ان مروان اخويا في الرضاعه من ايام الحضانه 
نور بس احمد ميعرفش 
شيما يعرف او ميعرفش هو ملوش علاقه بيا
نور طيب ي اختي انا هقوم امشي يلا 
شيما لا خليكي قاعده معايا شويه 
نور ي بنتي الساعه بقت 11 واحنا عندنا مدرسه بكرا يدوب ألحق اروح بقي عشان ننام 
ونور نزلت وشيما نامت علي السرير وكانت بتفتكر غيره 
أحمد عليها وكان جواه فرحان وفتحت الفيس وجابت اكونت احمد وفضلت تقلب فيه لحد ما نامت
تاني يوم 
شيما صحت متأخره ولبست هدومها بسرعه ونزلت من غير فطار عشان نور كانت بترن عليها
كتير 
شيما معلش ي نور راحت عليا نومه
نور لا ولا يهمك بس بسرعه عشان متأخرين أصلا 
واخدتها وراحوا المدرسه بسرعه
في المدرسه 
محمد لسه زعلان من اللي حصل امبارح 
أحمد لا وهزعل ليه انا فعلا غلطت اني أدخلت بينهم مكنش لازما اعمل كده 
محمد انا عارف انك بتغير عليها بس كان المفروض تتحكم في غيرتك ومش قدام الناس تظهرها خاصه انك مش عارف مشاعرها من ناحيتك 
احمد خلاص ي محمد موضوع وانتهي وخلص 
محمد تمام ي احمد يلا عشان الطابور بدا
وكل واحد طلع علي فصله وبدا ياخد حصصه واحمد مكنش مركز في حاجة وكان بيفكر ان ممكن يكون فيه حاجة بين شيما ومروان ولا لا لحد ما جه وقت البريك
نور مالك ي شيما وشك اصفر ليه 
شيما لا ي نور انا كويسه متقلقيش
نور طب خليكي هنا هروح اجيب ليكي عصير 
شيما انا هاجي معاكي مش هقعد لوحدي 
نور طب يلا تعالي 
ولسه شيما هتقوم حاسه ان الدنيا بتلف بيها ووقعت علي الارض
تفتكروا شيما حصلها اي! 
وتفتكروا فعلا احمد هيبعد عن شيما
حبي الاول بقلم نيرة عبدالله
ولسه شيما هتقوم حاسه ان الدنيا بتلف بيها ووقعت علي الارض 
نور پخوف وصوت عالي شيماااااا ردي عليا ي شيمااااا 
الكل اتلم ومروان كل بسرعه وقال پخوف أي فيه اي شيما مالها 
نور بعياط معرفش كلم الاسعاف بسرعة 
مروان كلم الاسعاف وجات واخدت شيمو بس مروان معرفش يركب معاها عشان مسموح بمرافق واحد بس ونور هي اللي ركبت معاها
احمد باستغراب هي الاسعاف موجوده هنا ليه 
محمد معرفش بس اي ده بسمه بټعيط ليه 
أحمد تعالي نروح نشوفها 
احمد لبسمة اي مالك بټعيطي ليه 
بسمة بعياط خدوا شيما علي المستشفى 
احمد بخضة ليه هي حصلها اي وبعدين مستشفي اي 
بسمة معرفش هي وقعت مره واحده واخدوها مستشفي  
احمد طب يلا روحي فصلك هي بأذن الله هتبقي كويسه 
بسمة يارب وراحت فصلها
احمد انا لازم اروح اطمن عليها 
محمد لا طبعا ي احمد مينفعش وبعدين انت مش قولت ان الموضوع ده انتهي 
أحمد لا ي محمد منتهاش ولا عمره هينتهي انا هروح اطمن عليها وانت خليك هنا عشان تقولي اخدنا اي وسابه ومشي
في المستشفى 
نور كانت واقفه برا وقلقانه علي شيما والدكتوره كانت بتكشف عليها جوا واول ما طلعت الدكتوره نور جريت عليها 
نور طمنيني عليها ي دكتوره اخبارها اي 
الدكتوره متقلقيش علي صحبتك ي حبيبتي هي كويسه اغمي عليها بس عشان ضغطها واطي اووي الواضح انها قعدت مده من غير اكل 
نور طب هي هتفوق امتي 
الدكتورة اول ما المحلول يخلص هتفوق متقلقيش وتقدري تدخلي ليها لو عاوزه 
نور شكرا ي دكتوره
نور لسه هتدخل ليها سمعت صوت بينادي عليها 
نور باستغراب احمد انت بتعمل اي هنا 
احمد اعمل ما عرفت اللي حصل لشيما جيت عشان اطمن عليها طمنيني هي عامله اي دلوقتي
نور هي الحمد لله كويسه متقلقش وشويه وهتفوق 
احمد طب هي حصلها اي 
نور لسه هترد عليه سمعت صوت بيقولها پغضب نوررررر 
نور بتوتر مراد 
مراد بص لاحمد وقال انت تاني بتعمل اي هنا وواقف مع نور ليه 
احمد ببرود واحد قريبي تعبان وكنت بزوره فيها حاجة 
مراد والله بتزوره بلبس المدرسه 
أحمد انا كنت رايح المدرسه واول ما عرفت انه تعب جيت له ولما شوفت نور هنا استغربت وجيت اطمن عليها 
مراد تتطمن عليها وانت تعرف نور أصلا منين 
أحمد وانت مالك اعرفها منين