صدف الحياه بقلم نرمين همام

مقربه عليا ما جاش في دماغي غيرها افتكرت زمان لما هددتني اني ابعد عنك والا هتريحني خالص. 
ثريا تنحنحت ما هي كانت قاعده في الاوضه 
ثريا
والله يا دكتور لو تعرف فرحتي دلوقتي قد ايه ان انتم اتجمعتوا سوا واخيرا شفت حد عاقل ما يقبلش الاهانه على نفسه من مراته عقبال  ابني ما يفوق من الغمه اللي هو فيها
لف هشام وبص لها
انا اسف ما خدتش بالي الكلام مع بسنت نساني الدنيا ادعي ربنا يهدي ابنك زي  ما دعيتي لي لما عرفتي اني هعمل العمليه وساعتها دخلت ايمان متهيالي دي كانت دعوتك وربنا الحمد لله خلصني منها وانت كنت السبب انا مش هسيبك وهوصلك لبيتك وههتمي بيكي لاخر لحظه في حياتي
بسنت بضعف
انت وشك حلو علينا وانا نسيت اي ۏجع دلوقتي يكفيني ان ربنا جمعني بهشام وانت طول حياتنا هتبقي في عينينا
الثريا بټعيط وحكيت لهم حكايتها كلها
ثريا
وادي كل اللي حصل بعد سنين تعبي على ابني كل اللي  طالباه منك يا دكتور هشام توصلني بيتي انا مش هعرف اركب مواصلات ويبقى كثر خيرك وجميلك على راسي من فوق ولغايه اخر يوم في عمري هسجد لربنا وادعي لك انت والدكتوره بسنت ربنا يجمعكم على خير ويرزقكم بالذريه الصالحه
ابتسمت بسنت وبصت لهشام اللي مسك ايديها بكل حب
واخر يوم العيد  وفي بيت ثريا المتواضع 
هشام
حمد لله على سلامتك يا حاجه ثريا ليه ما سمعتيش كلام بسنت وفضلتي قاعده معانا كمان مامت بسنت قالت ان هي هتبقى مبسوطه لو رضيتي وقعدتي معاها في بيتها خصوصا ان بسنت وانا هندور لنا على شقه  علشان نتجوز فيها
ثريا
بجد يا دكتور مش  بعرف انام غير لما احط راسي على فرشتي طول عمري على كده افتكر يوم ما سبت بيتي  بسبب مشاكل مرات ابني وجيت قعدت هنا قعدت فتره عقبال ما اخذت على المكان
ومشى هشام بعد ما قعد مع ثريا وكان جايب لها الدواء وكمان اداها فلوس وهو ماشي
وبالليل
محمود
ايوه ياما افتحي لي الباب انا ابنك محمود كده تخضيني عليك
ثريا
سندني كده ده انا قمت فتحت الباب بالعافيه
محمود
اخو ناهد يلا شاف واحد هو اللي موصلك لغايه هنا عربيته حلوه وكبيره مين ده وانت رحتي اي مستشفى
بقلم نرمين همام
ثريا
دي حكايه طويله بس مش هقدر احكيها لك كلها انا تعبانه ده الدكتور اللي عمل لي العمليه وكمان جاب لي الدواء واداني فلوس بس عايزه حد يعمل لي شويه شوربه علشان اقدر اخد الدوا حاجه تقوتني يعني
محمود
بصي ياما انا جايب لك معايا لحمه زي ما قلت لك الشركه بتدبح
ثريا
شركه ايه بقى ما انا عرفت من خالتك ساميه اللي فيها بقى بتكذب عليا يا ابني بعد سنين في ايه وتعبي عليك منه لله اللي كان السبب في اللي خلاك كده وخلى شخصيتك ضعيفه كده
محمود بارتباك
بصي ياما نتكلم بعدين انت تعبانه انا جايب لك حته لحمه حمراء حلوه كنت شايلها لك من اول يوم هقوم اهو ادخل المطبخ اسلقها لك
محمود دخل المطبخ واتفاجئ باللي لقاه جوه الكيس
محمود
منك لله يا ناهد يعني بدلت اللحمه وسايبه لها ماسوره وعضم
دخلت ثريا تتسند المطبخ تشوف ابنها بيكلم نفسه ليه
ثريا
يا محمود دي اخرتها يا ابني جايب لي عضم وتقول لي
جايب لك حته لحمه حلوه
محمود بيبرر موقفه
والله ياما معرف الكيسه سوداء وما اعرفش اللي جواه
ثريا
ما تعرفش اللي جواه دي مقصوده ما هو محطوط ورقه اهي ملزوقه عليه من بره ومكتوبه ام محمود يعني اللي لففها وحاططها اعملها لي انا يا خساره تعبي وشقايه
محمود خرج بسرعه من شقه امه وراح بيته
محمود بصوت عالي
ناهد ايه اللي انت عملتيه ده سايبه لامي الماسوره فين اللحمه اللي كنت محضرها لها
ناهد بقله ادب
بقول لك ايه هو ده اللي موجود الديب فريزر فاضي
محمود
العجل كله ما فاضلش منه غير الماسوره
ناهد
ده اللي عندي يا محمود اذا كان عاجبك
محمود
طبعا ده اللي عندك زي ما قلت يا انا يا امك وهى غلبانة وماهمهاش نفسها ويابت بتها من كتر نكدك وبعدت عنى 
ناهد
بادى الاسطوانة المشروخة بتعتك زهقت منها دورلك على كلام تانى جديد
محمود قرب منها ومسكها من اديها
اقسم يا ناهد لو ما غيرتى طرقتك لكون رامى عليك اليمين
ناهد
يالهوي عاوز تطلقنى علشان امك يا محمود ومالها الماسورة
محمود 
لمي هدومك وامش على بيت اهلك انتى خلاص ما تلزمنيش وورقتك حتوصلك في بيت ابوكي
ناهد خاڤت 
كده يا محمود وبعد العشره دي كلها عاوز ترميني عند اهلي
محمود
كلمتين يا بنت الحلال مش هغيرهم تشيل لي امي فوق  راسك زي ما ربيتني وتعبت عليا وقعدتني في بيتها يا اما انا من سكه وانت من سكه
ناهد  سكتت وقالت بصوت واطي لنفسها
على راي المثل ڼار جوزي ولا جنه بيت ابويا الاول كنت متستتهته في بيت ابويا علشان كنت بنت لكن هروح لهم وانا متجوزه هبقى تقيل عليهم ده غيري ان هكون خدامه للكل وهشوف الويل هناك وانا ما بشتغلش يعني مش هعرف حتى اصرف على نفسي هناك
محمود
  سمعيني بتقولي ايه يا ناهد
ناهد
ابدا يا محمود بقول حقك عليا وامك على راسي من فوق العمر كله يا اخويا ما فيش اي حاجه في الدنيا تقدر تفرقنا عن بعض امك هشيلها في عينيا .
تمت 
بقلمي
نرمين همام