غد ر جه يخطبني اتجوز امي

اسكريبت غد ر 
بقلم
نرمين همام
هو ممكن الايام تفرق اقرب اتنين في الدنيا دي
ايوه ممكن تفرق مش الايام بس والغدر وعلى فكره مش غدر الايام لا لما السکينه بتيجي في ظهرك من اقرب حد ليكي من الشخص الوحيد اللي في الدنيا اللي تترمي في حضنه وتحكي له عن كل حاجه جواكي الضربه كانت جامده
انا نورهان على فكره انا لسه متخرجه من الكليه خاېفه اقول سني ولا تقولوا عيله صغيره ومن حق اللي اذيتني انها تعمل كده
سهير
ايه يا نورهان انت بتكلمي نفسك ولا ايه
نورهان
بفتكر اللي حصل لي قولي لسه هيحصل لي واني سايبه بيت ابويا وجيت قعدت هنا معك يا خالتي وانت حالك على القد

سهير قعدت على الكنبه واتكلمت مع نورهان بحزن وقالت
نورهان وحياتك يا حبيبتي بكره تحبي وتتحبي عايزاك تنسي مش من اول خبطه كده تقعي وتفرفري لسه يا اختي الخبطات كثير ما تبقيش ضعيفه كده وعظمك طري
نورهان
يا خالتي انا اټصدمت صډمه عمري مش عارفه انا هعيش ازاي بعد كده
ولا هقابل الناس باي وش سيبيكي من الناس هقابل اصحابي في الكليه ازاي
سهير
يا بت فضفضي قولي اللي جواكي انت ما قلتيش غير كلمتين وبس فهمت ايوه اللي حصل لكن احكي لي عايزه اعرف كل حاجه حصلت
نورهان
اقول لك ايه يا خالتي اقول لك ان من اول سنه اولى اول ما دخلت الكليه شفت طاهر وحبيته وكان راجل وعلى قد كلمته معايا اتعاهدنا على الحب وان عمره ما هيسيبني وهيفضل ساندني في حياتي لكن طلع ان في فرق كبير ما بيني وما بينه
سهير
ايه يا بنت اختي غلبتيني ايه هو الفرق
نورهان
انا بعبد ربنا يا خالتي لكن هو بيعبد الستات ايوه يا خالتي ايه اللي يعمل عملته دوت يبقى بيعبد الستات اللي يسيب حبيبته اللي حبيته اربع سنين واللي كان ممكن تحبه العمر كله واللي ممكن تصبر اللي ممكن تتخطب بدبله او حتى من غير اللي ممكن تقعد في اوضه عند امه
استني استني يا بنت انت جواكي كثير ومعبيه
خالتها سهير هو اقتربت من نورهان لكي تطبطب على كتفها
نورهان وهي تبكي
فلاش باك
طاهر
اخيرا يا حبيبتي نتيجتنا طلعت وزي ما وعدتك جبت جيد جدا علشان اقدر اجي تقدم لامك وما تقولش عليا كلمه كده ولا كده ولا تقول انك اشطر مني
ضحكت نورهان وهي واقفه في الكليه
عارفاك يا طاهر ومن السنه اللي فاتت شايفه انك بتتفوق وبتبقى احسن مني وانا مش زعلانه على فكره انا نفسي تكون اول الدفعه وتتعين مواعيد صدقني هقف جنبك وافضل معاك خطوه بخطوه مش عايزه غير وجودك في حياتي لو تعرف انت عامل فيا ايه
طاهر بيضحك
عامل فيك ايه يا مجنونه
نورهان
عايزاك اكتب على الحيطان اني حبيتك وعايزاكتب في الحيطان اني لقيت السند اللي هيفضل معايا طول عمري عايز اطلع برج الجزيره وباعلى صوتي هقول بحبك يا طاهر وعمري ما حبيت حد زيك وعمري ما هحب حد ثاني غيرك
شدها طاهر من ودنها
وانت يا فالحه هتحبي مين ولا تقدري تحبي مين
نورهان بتضحك
ما اقدرش طبعا هي اللي تحب حبيبي تقدر تحب حد تاني مع ان اوقات بلاقي عينك فيها حاجات غريبه على فكره انا اقدر اقول لك بعينك بتفكر في ايه
الطاهر بيضحك
بتفكر في ايه
يا فالحه
نورهان ركزت في عينه وقالت
بتفكر في طبقين كشړي علشان انا عصافير بطني بتنونو 
طاهر
على احسن محل كشړي وعلشان نقعد نفكر هقابل امك امتى وهجيب امي امتى على فكره امي وامك تعبه كتير امي نزلت اشتغلت وربتني من