رواية مها كاملة

اخبار مريضتنا القمر ايه النهارده 
على بصله بغيره واضحه الحمد لله احسن 
الدكتور حس بالغيره وفهم انه بيحبها بصله وابتسم استاذ على انا محتاجك فى كلمتين بره 
على بص لساره الى مكلبشه فى ايده وابتسم انا خارج عشر دقايق وراجعلك تانى 
ساره الحزن اترسم على وشها وشاورت براسها على خرج مع الدكتور الى قاله واضح يااستاذ على ان حاله الانسه ساره فى تحسن والفضل ليك اكيد 
على انا معملتش حاجه غير انى بجلها اطمن عليها 
الدكتور ابتسم ازاى بس دانت عملت فى يومين الى الدكاتره مقدروش يعملوه فى اسابيع وده بياكد ان الحب اقوى مليون مره من كل الادويه فى العالم 

على ابتسم بحزن ياريت فى ايدى حاجه اعملها تخليها تتكلم وترجع زى الاول 
الدكتور مين قالك ان مش فى ايدك بالعكس انت حاليا ماسك زمام الامور فى ايدك تخليها تتكلم وتبقى كويسه وفى ايده
تخلى حالتها اسوء من الاول 
على بسرعه طيب قولى انا ممكن اعمل ايه 
الدكتور مش هتعمل اكتر من الى انت بتعمله انك تفضل جنبها وهو ده الى هى محتجاله ساره .. الاحساس بالحب والامان 
على طيب ليه صوتها راح 
الدكتور ابتسم صوتها مارحش ولا حاجه هى الى رافضه تتكلم ومع الوقت احساسها بالرفض ده هيختفى وهتلاقيها رجعت تتكلم تانى بس فى حاجه محتاج اتاكد منها 
على حاجة ايه 
الدكتور انت فعلا بتحبها ولا دى شفقه منك عليها 
على ابتسم بۏجع شفقه !!! هو فى حد بيشفق على روحه .. ساره دى حب عمرى بس للاسف والدتها كانت ماليه دماغها بحاجات بسببها مكنتش شيفانى
الدكتور ممكن تفهمنى اكتر 
على اتنهد بحزن انا بحب ساره من وهى لسه فى اعدادى من قبل ماعمى يتوفى وكنت بذاكر وبنجح علشان اقدر فى يوم اتقدملها بس للاسف عمى توفى وبعدها والدتها بعدتها عننا وكنت كل لما احاول اقرب منهم او اسال عنهم كانت مرات عمى بتقبلنى ببرود بس كنت بستحمل علشانها كنت حاسس انها بتبدلنى المشاعر بس كنت غلطان لحد ماعرفت من سنه انها اتخطبت لابن خالتها ساعتها حسيت ان الدنيا اسودت فى عنيا وقررت انى عمرى ماهفكر احب تانى ابدا بس كنت ڠصب عنى بحاول اعرف اخبرها من بعيد لبعيد لحد ماعرفت بالى حصلها وفهمت كل حاجه من والدتها وقالتلى انها كانت غلطانه لما بعدتنى عنها وانها كانت بتحاول مع ساره علشان توافق بيا بس بعد ايه
الدكتور انا مش عارف اقولك ايه الحب الى بشكل ده بقى قليل قوى الايام دى بس انا عايزك تحط احتمال ان ساره ممكن تكون 
الدكتور سكت وعلى كمل بۏجع قصدك انها مابتحبنيش وتعلقها بيا لمجرد احساسها بالامان بس 
الدكتور بالضبط كده بس ده مش اكيد 
على حتى لو كده انا راضى المهم انها تخف وترجع كويسه 
الدكتور طبطب على كتفه ربنا معاك يابطل ويفرح قلبك عن اذنك انا وريا شغل 
مشى الدكتور وعلى دخل لساره بقلب موجوع من فكره انها مابتحبوش وان ممكن فى يوم تبعد عنه تانى قرب قعد جنبها بصتله ساره باستغراب وشاولت باديها بمعنى مالك 
على رسم ابتسامه ڠصب عنه مافيش ياحبيبتى دا الدكتور كان بيطمنى عليكى 
ساره شاولته تانى بمعنى انت زعلان ليه 
على انا كويس صدقينى انا بس عايزك تخفى بسرعه علشان تخرجى من هنا 
ساره الحزن بان عليها وكتبتله انت زهت منى 
على انا لو فضلت جنبك العمر كله عمرى مازهق منك ابدا انتى بنت عمى وحبيبتى الى عمرى ماحبيت غيرها 
ساره ابتسمت ومسكت ايده وكتبتله انها عمرها ماهتبعد عنه ابدا 
على ابتسم وباس اديها وفضل طول اليوم معاها
فى كافيه على النيل كان جاسر قاعد مع تالا وبيتكلموا جاسر سكت فجاه وبصلها مش كفايه لحد كده بقى انا تعبت 
تالا استغربت كفايه ايه وتعبت من ايه مش فاهمه
جاسر لا انتى فاهمه كويس قصدى ايه
تالا بصتله قوى صدقنى ياحبيبى انا مش فاهمه 
جاسر ممكن اعرف انتى هتفضلى تأجلى جوازنا لحد امتى 
تالا ياحبيبى
انا مش ماجله كتير كل الحكايه سنه 
جاسر بغيظ منها والسنه دى قليله
تالا ياحبيبى حاول تحس بيا انا عشت طول عمرى محرومه من كلمه بابا وكل الى طلبته منك انك تدينى وقت احاول افضل فيه جنبه 
جاسر اتنرفز انتى ليه محسسانى انى هحرمك منه او هخطفك بعيد انا قبلت اشتغل هنا ورفضت العرض الى جالى من الشركه فى لندن علشان افضل هنا معاكى وقولتلك هدور على شقه قريبه من بيت باباكى اعمل ايه تانى 
تالا مسكت ايده ودمعت انا عارفه انك استحملتنى كتير بس صدقنى ڠصب عنى انا ساعات بصحى من النوم بقول لنفسى انى فى حلم وانى لسه وحيده فى لندن من غير اب ولا ضهر اتسند عليه واحس بالامان الى عمرى ماحسيت
بيه غير لما بابا بقى جنبى
جاسر باصلها بزعل معاكى حق انتى عمرك محسيتى بالامان ولا كان ليكى سند !!!!! انا فهمت دلوقت انى بالنسبه ليكى ولا
حاجه مع انى كنت زمان ضهرك وسندك
شد ايده منها ووقف قومى علشان اوصلك 
تالا بصتله قوى ووقفت جاسر انت مش فاهم قصدى انا 
قاطعها جاسر لا فهمت كل حاجه يالا علشان اوصلك 
مشيت تالا معاه وطول الطريق وهما ساكتين لحد ما وصلها ومشى دخلت تالا كان سليم قاعد مع هنا سلمت عليهم وطلعت اوضتها بسرعه رمت نفسها على السرير ودموعها نزلت زى الشلال 
هنا وقفت مستغربه تالا مالها شكلها زعلانه مش عادتها تطلع اوضتها دلوقت 
سليم يمكن هتغير وتنزل 
هنا لا تالا شكلها زعلانه انا عارفه بنتى كويس هطلع اشوفها مالها
وقف سليم استنى ياهنا ممكن اطلع انا 
هنا بصتله وابتسمت اطلع ياحبيبى 
طلع سليم خبط عليها ودخل كانت قعده على السرير وعنيها كلها دموع قرب منها وقعد قصادها القمر بتاعى زعلان ليه 
تالا بصتله كتير ورمت نفسها فى حضنه وفضلت ټعيط فتره كبيره وهو بحاول يهديها كان هيجن ويعرف مالها لحد ماهديت شويه بعدها عنه وهو بيبصلها بقلق مالك ياقلب ابوكى مين زعلك كده
تالا صوتها طلع بالعافيه مافيش يابابا انا بس مضايقه شويه 
سليم بصلها قوى بذمتك ده منظر واحده مضايقه بس ..انتى مش عايزه تحكى لبابا حبيبك 
تالا دموعها نزلت تانى جاسر زعلان منى 
سليم ابتسم كل ده علشان جاسر زعلان منك لا انا كده بقى هغير منه ..المهم قوليلى ياستى عملتى ايه زعله منك 
تالا بصتله قوى مش عارفه تقوله ايه اصل جاسر عايزنا نحدد معاد الجواز وانا قولتله ياجل شويه 
سليم استغرب طب ليه تاجلى انا كنت هكلمك فى الموضوع ده انا عايز افرح بيكى
تالا بصتله بزعل يعنى انت عايزنى اتجوز !!!
سليم وهو فى اب مانفسوش يفرح ببنته ويشوفها احلى عروسه ويشوف احفاده 
تالا دورت وشها وقالت لنفسها ماهو اكيد مش هيهمه اتجوز واسيبه هيزعل على بعادى ليه 
سليم بصلها ومد ايده دور وشها ليه ممكن اعرف القمر بتاعى زعلان قوى ليه كده هو انتى. مابتحبيش جاسر لو مش عا
وقبل مايكمل قاطعته لا يابابا انا بحبه قوى انا كملت بكدب كل الحكايه كنت عايزاه يجيب شقه قريبه من هنا علشان مابعدتش عن ماما 
سليم كشړ يعنى انتى الى همك ماتبعديش عن ماما بس. وبابا الى غبتى عنه السنين دى كلها لا 
تالا بصتله شويه ورمت نفسها فى حضه لا يابابا انا مش عايزه ابعد عنك وده السبب الحقيقى انى باجل جوازى بس افتكرتك عايزنى اسيبك
سليم ضحك ومين قالك انى كنت اصلا هسيبك تنجوزى بعيد عنى 
بعدت تالا عنه قصدك ايه 
سليم مسك اديها قصدى ياستى انى هكلم جاسر علشان تعيشوا معانا هنا فى الجناح الى فوق انا كنت عامله كانه شقه علشان لما بيرى تتجوز 
تالا برفض لا يابابا بيرى تزعل جاسر اصلا بيدور على شقه قريبه من هنا 
سليم ياحبيبتى الفيلا كبيره واذا كان على بيرى انا هعملها جناح زيه فى الدور هنا يعنى مش هتزعل ولا حاجه دانتى اختها 
تالا بس تفتكر جاسر هيوافق 
سليم بفخر انتى ماتعرفيش ابوكى ولا ايه انا ملك الاقناع 
تالا قامت حضنته ربنا يخليك ليا ياحبيبى 
سليم المهم دلوقت تفكرى هتصلحى الاستاذ
جاسر ازاى مانتى اكيد عكيتى الدنيا 
تالا بصت للارض بصراحه عكيت 
سليم قام طيب اتصرفى بقى وصالحيه وانا هبقى اتصل بيه بعدين اتفق معاه يالا سلام ياقمرى
طلع سليم وتالا فضلت تفكر هتصلح سوء الفهم ازاى مع جاسر
عند بدر بعد مااتغدوا كانوا قعدين قصاد التلفزيون بيتفرجوا
على فيلم بس مريم مكنتش مركزه مع الفيلم كان كل تفكيرها فى عمار الى ظهر فى حياتها تانى وفضلت تفكر تقول لبدر ولا لا بس كانت خاېفه لان اكيد هيروح يتخانق معاه ومش بعيد يتهور اكتر من كده فضلت تسكت احسن 
مريم بصتله قوى ولا حاجه بتفرج على الفيلم 
بدر ابتسم الفيلم خلص من عشر دقايق وانتى على وضعك ..مالك 
مريم حاولت تدور على اى حاجه تقولها مافيش صدقنى بس الامتحانات قربت وانا مش مستعده كويس فقلقانه 
بدر باس ايدها انا معاكى اى حاجه عايزاها انا تحت امرك 
مريم ربنا يخليك ليا ياحبيبى 
بدر قرب زياده طب بقولك ايه 
مريم ابتسمت نعم 
بدر قرب اكتر ماتيجى اسمعلك شويه 
مريم ضحكت هو انا لسه ذاكرت لما هسمع 
مريم اتكلمت وهى مغمضه عنيها انا بحبك قوى يابدر عمرى ماعرفت يعنى ايه حب الا لما حبيتك 
بدر حضنها قوى هتصدقينى ان انا كمان مكنتش اعرف يعنى ايه تحب وتغير الا لما حبيتك كان لما حمزه يغير على بسمه منى كنت بضايق واقول ازاى يغير من اخوها بس جربت ڼار الغيره وحسيت بنفس احساسه 
مريم رفعت وشها بصتله امتى ..
بدر لما سافرنا اخر مره وابويا حضنك حسيت بڼار فى قلبى وانى عايز اخدك واهرب بيكى بعيد عن اى حد 
مريم ابتسمت افهم من كده انك كنت وقتها بتحبنى 
بدر كنت حبيتك بس كنت بتخانق مع نفسى مكنتش عايز اظلمك واحرمك من انك تختارى وتحبى من غير ضغط من حد
مريم مسكت وشه بايدها الاتنين ومين قالك انى مختارتش وحبيت من غير ضغط الى تقرب منك يابدر لازم تحبك ڠصب عنها 
بدر بص فى عنيها بجد يامريم يعنى مش ندمانه انك اتجوزتى بالطريقه دى 
مريم هو فى واحده هتندم انها لقت نصها التانى ايا كان لقيته ازاى وفين 
بدر حس ان