قلوب تتمنى العشق للكاتبة نرمين عادل همام

الشقة
_ فرحانه دلوقتي يا رحمه قلت لك بلاش كتر كلام بلاش تكتبي الحاجات إللي بتكتبيها وأحسن لك قطعي الكتاب إللي بتكتبي فيه ده وقلت لك بتعيشي الوهم لكنه سمع كلامك وافتكر إن الموضوع حقيقة وأنك بتحبي اتنين في نفس الوقت وممكن يقول لأمه انك تعرفيهم حقيقي مش مجرد وهم في خيالك! مين هيصدق إن الكلام إللي كتباه  بتتكلمي مع واحد مش موجود أصلا 
انا مش خاېفة على نفسي يا حنين أنا خاېفه على بابا أنت عارفه أن قلبي ضعيف خاېفه عليه من عمي الكبير ومن عمتي عنايات ماما قالت لي إن عمتي قالت إن هي عايزة تجوزني ابنها لكن أنا رافضه.
كانت تتحدث وهي منفعله مما جعلها تبكي
_ما تعيطيش أول ما يجي باباك من الشغل لازم تتكلمي معاه بمنتهى الصراحه الناس دول وحشين أوي طمعانين فيكم أنت عارفه إحنا ملناش حد باباك هو الراجل الوحيد وأنا من بعد وفاه بابايا ما فيش حد من أهله بيجي لنا 
بالفعل كما توقع الفتاتان ذهب محسن لمنزله سريعا والذي يقع في حي باكوس داخل السوق في منزل قديم جدرانه ظهرت عليه علامات التشقق تجلس تلك العقربة التي تدعى عنايات التي تأمل أن ېموت اخيها في يوم من الأيام في يوم قريب حتى ترثه ويتزوج ولدها محسن من رحمه وهكذا تكون قد ضمنت كل الأموال 
حتى أنها كانت تتحدث  في أوقات كثيرة وتقول له أنه عندما يتزوج من رحمه ابنة خاله سيعيش معها في منزل والدها ووالدتها في تلك الشقة الفاخرة التي تقع في حي لوران وعندما يسألها وهل رقيه والدتها ستجلس معنا! ترد عليه وتقول أبدا لن اجعلها تجلس معكم في يوم من الأيام بل ستأتي هنا للإقامة معي فهي ليست أفضل مني في شيء!.
نعم إن مصدر كل الآلام التي مرت بعائلة رحمه هي الغيرة.
غيرة أقرب الأقربين إليها عمتها تغير من والدتها!
الغيره أدت إلى المۏت والمړض إلى الهذيان هي تركت رحمه فقط  دون أن تؤذيها أو تذهب للدجالين لكي يصنعوا لها سحرا لسبب واحد أنها تريدها لولدها هكذا اضمن لأنها تعلم أنها حينما ېموت أخيها سيدخل معها باقي اخوتها في تقسيم هذا الميراث!.
_ يا ما إنت فين
_ هنا يا محسن قاعده في البلكونه مع أبوك!
دخل محسن للشرفة وشاهد والدته ووالده يجلسان ويحتسيان كوبين من القهوة الساخنة .
_ قاعده هنا ما انتيش عارفه إيه إللي بيحصل وأنت بتقولي ما بيفوتش عليك هفوة شوفي يا اختي واسمعي
لم يعطي محسن لوالدته أي فرصه للكلام بل استمر في حديثه المندفع..
_ رحمه  بنت أخوك إللي بتقوليلي اتجوزها وعيش معاها في نفس الشقة وحطها في عينيك لغايه ما تاخذ إللي وراها وإللي قدامها وتربطها بالخلفه رحمه إللي أنا براقبها في كل حته بتروح لها عشان ما حدش ياخدها مني تعرفي الآنسة المحترمة بتعرف رجاله مش واحد دول إثنين! وكمان قاعده تتغزل فيهم عارفه وشكلها بتقابلهم في البيت وأمها وأبوها مطنشين ما هي الحيلة بقى!
_ إللي بتقوله ده متأكد منه!
_ إلا متأكد ما تعرفيش مين الولد طلع إللي اسمه كريم المرحمه س إللي عايش بره ده المطبخ بتاعهم بيطل على مطبخهم إللي بيفصل ما بين المطبخين سلم الخدامين يعني بالساهل تفتح له باب المطبخ يدخل لها!
_ ده مسافر.!
_ اه مسافر بس بيجي يقعد عند أمه طب انت عارفه من التاني إياد! عارفه يعني إيه إياد ياما إياد إللي مطلع عليك إنك بتعملي أعمال وسحر وكان السبب في سجن الشيخ شحاته فاكرة ياما ولا نسياه !
_ الا فاكراه وسيدنا الشيخ قرب يخرج من السچن وناوي  له على نيه سودا  هيجيب فيها أجله  إلا ما قلتليش أنت دخلت الشقه إزاي وازاي سمعت كلامها!
_كنت قاعد على محطة الترام براقب بلكونتها ما هي ليل ونهار قاعده فيها ماكنتش عارف السبب كنت أهبل لكن دلوقتي عرفته!.
وأنا قاعد بقى لقيت أمها خارجه من باب العمارة هي واختها فطلعت وفتحت بالمفتاح إللي إنت كنت عاملاه ودخلت وسمعت إللي همسكه عليها العمر كله!
_ سيبني افكر بقى...
ثم نظرت إلى زوجها وكأنها تطلب منه المشورة فضحك الثعبان وقال
لازم ټضربي على الحديد وهو سخن يا عنايات وتروحي تعملي لأخوك ڤضيحة دي إللي هتخليه يوافق إن بنته تتجوز ابننا !
تمر الأيام سريعا وما زالت رحمه تشعر بالقهر كيف لذلك الفاشل أن يفكر في الزواج منها!.
وفتحت رحمه باب المطبخ المؤدي لتلك السلالم الحديدية التي كانت تستخدم في ذلك المنازل القديمة والتي يطلق عليها سلالم الخدم وفي نفس اللحظه فتح كريم باب المطبخ المقابل مطبخهم ونظر فوجد رحمه تبكي بصوت مرتفع وتضع رأسها بين قدميها وباب مطبخهم مفتوح على مصراعيه!. 
قام برفع الغطاء عن صندوق القمامة الصغير وضع به ذلك الكيس البلاستيكي الذي بيده