رواية أخذت بيدي الي الله

والله لو لمست شعرة منها لتكون نهايتك على أيدى يا بن الك
عمرو بغيظ طب ما تورينا 
من حياة ولسه هيلمسها يلاقى اللى بيزقه بعيد عنها ويضربه بالقلم على وشه 
بيرفع عمرو عينيه ويلاقى سيرين واقفه قدامه
عمرو پصدمة ومش عارف يستوعب أمى أمى انتى هنا ازاى لأ مستحيل
عمرو لأ لأ وينزل على الأرض وياخد حياة ف ويبكى حياة حياة قومى حبيبتي قومى بصيلى أنا عمرو حبيبك أنا أخوكى وېصرخ وصوته يعلى حيااااة حياة قومى بقا
سيرين ابعد عنها وتزق ايده وتاخد حياة ف 
عمرو أمى أمى اسمعينى ويمسك ايدها
سيرين پغضب ابعد عنى أنا مش أمك انت مچرم انت لا يمكن تكون عمرو اللى ربيته وحبيته انت شيطان وشويه ويدخل البوليس اللى كان مع سيرين والشخص اللى ساعدها
وبيمسكوا عمرو وبيطلبوا الإسعاف لحياة 
ف الفيلا
نغم بتفتح الباب تلاقى هايدى بتحاول نغم تكون هادئة 
هايدى بدلع إزيك يا نغم عامله ايه
نغم ببرود مصتنع لأن جواها أصلا بيغلى كويسه الحمد لله
هايدى اوعى تكونى مضايقة يا نغم من ارتبطنا انا وسولى احنا بنحب بعض من زمان اوى بس هو مكنش عايز يجرحك بس دلوقتي مبقاش ينفع نستنى وبتحط أيدها على بطنها
نغم بتفهم اللى هى عايزه تقوله وأنها قصدها تغيظها بتتمالك نفسها وتقول مبروك عليكى اشبعى بيه الرخيص بيفضل رخيص عمره كله وتسيبها وتمشى وهايدى على آخرها
ف الشركة 
عماد بيحاول على قد ما يقدر يتفادى سليم عشان ميتخانق معاه لانه مقدر أنه فاهم غلط وعشان كدا بيتابع عماد الشغل من بعيد وف نفس الوقت مش ساكت وبيجمع أدلة يفضح بيها هايدى ويكشفها قدام سليم 
ف المستشفى تيم وسيرين مستنين الدكتور اللى بيخرج من عند حياة ويقولهم 
الدكتور أنا أسف احنا عملنا كل اللى تقدر عليه بس هى اللى حصلها كان فوق اكتمالها والھجوم عليها سبب لها صدمة عصبية قوية خلتها فى صډمه قويه وخاېفة من كل اللى حواليها وانا شايف انها لازم تفضل ف المستشفى كام يوم تهدى 
بتبدأ تبكى وتيم بيحاول يهديها وبعدها بيدخلوا يشوفهوها ويتكون نايمة بتطمن سيرين عليها وبعدين بتخرج تتكلم ف الفون وتيم 
اه أقولكم مين تيم تيم دا شاب جنتل كدا عنده 25 سنة بس ظروفه كانت صعبة اوى من وهو طفل والده توفى وهو صغير اوى وبدأ هو يشتغل عشان مامته بس هى كمان ماټت وهو عنده سنة وبعدها عاش مع عمه لحد ما كبر شوية بس بسبب المعاملة من عمه ومراته وولاده سابهم ومشى ومن وقتها وهو شغال مع عمرو بس لما شاف حياة 
فكرته بأغلى شخص عنده واللى هو بمثابة نقطة ضعفه اللى 
عمرو كان يهدده بيها عشان يشتغل معاه والشخص دا نفسه اللى راحله ف اليوم اللى وصل فيه حياة 
للفيلا وبعدها هما هجموا عليه خطڤوه ودا السبب اللى خلى تيم يقبل أنه يدخل عند حياة ف الليلة دى بالرغم من أنه عمره ما عملها أو انتهك بنت بس هو مكنش عايزهم يعملوا كدا مع حياة وعشان كدا هو اللى طلب يدخلها عشان ينقذها منهم نكمل بقا
تيم بيكون قاعد جنب حياة ومرة واحدة بتقوم حياة بفزع وخوف وتبدأ ترتعش وتصرخ وتقول بعدوا عنى حرام عليكم ومن غير وعى تيم وتمسك فيه وتبكى وتصرخ 
تيم يحاول يهديها مټخافيش يا حياة انا جنبك مټخافيش محدش وبتبدأ تهدى حياة وتنام تانى 
عمرو اتحبس أربع أيام على ذمة التحقيق لحد ما تفوق حياة ويستجوبوها عمرو سرحان وبيفتكر سيرين اللى هى خالته مش أمه بس هو ميعرفش غيرها ولا كان ليه حد ف الدنيا غيرها لانه أمه ماټت وهى بتولده وخالته هى اللى أخدته بين أيدها وهو لسه عمره ساعات وكانت احن حد عليه لأنه أبوه كمان ماټ بعد أمه بشهور وسيرين هى اللى ربته واهتمت بيه ولما اتجوزت كان هو عنده حوالى 14سنه وكان بيحب حياة ونغم وطول الوقت مقتنع أنهم اخواته وان سيرين مامته لحد ما بقى عمر حياة ونغم تلت
سنين وكانوا ف وهو احن حد عليهم وبالأخص حياة كانت بتلمس قلبه وبيميل لها اكتر وف يوم كان مسافر ورجع ملقاش سيرين ولا حياه ولا نغم ولما سأل عليهم جد نغم وحياة قاله أنهم عملوا حاډثة وماتوا كلهم وف الوقت دا كانت سيرين اخدت حياة وسافرت وخالد معاه نغم واتجوزو نادية اللى اختارها أبوه واللى ربت نغم ع أنها بنتها وبعد ما عمرو عرف أنهم ماتوا زى ما قالوله
حياته كلها اټدمرت واتحول لشخص تانى بقا مچرم ووحش ميعرفش رحمة ولا إنسانية فضل عمرو سرحان ف ذكريات الماضى 
سليم بيروح الفيلا يدخل أوضته ويتفاجئ بوجود هايدى مش نغم بيزعق ومش بيستوعب اللى بيحصل وبعدها
بيفهم من نرمين أن نغم رجعت شقتهم تانى وبتلقائية وبدون اى اهتمام لهايدى بيروح عند نغم بيفتح ويدخل
الشقه