اسكربيت ( طال غياب الحب ) بقلم ياسمين الكيلاني
قصد لحظة أنه مش بيحب نرمين ودا ممكن يكون مخليه مش عارف ينسي حبيبته الأولي...
_انا عارف ادم كويس مش بينسي ب الساهل بس برضو مش بيسامح بسهوله....
عدت أيام ونزلت ملك تشتري شويه حاجات للبيت لكنها كانت حاسه بشوية تعب بسيط ف عيونها لأنها بتتعب بسرعة من اشعة الشمس من صغرها...
_مالك يا انسه ف حاجه...
_لا أبدا بس لو ممكن تقولي اخد تاكسي ازاي عشان انزل
قعدت ف كافية وطلبت عصير لمون واستنت كريم يجيلها لكنه اتأخر
_الو كريم أنت فين..
_والله يا ملك مش عارف اتصرف ورايا حاجات كتير اعملها يا حبيبتي لو ممكن تاخدي تاكسي أو...
_خلاص يا كريم انا هتصرف سلام....
اتضايقت جدا وحاسة بتحسن بسيط لكن لسه الصداع ملازمها
سكتت فجأة لما لقته جي وقلع النضارة ببرود وقعد قصادها واتكلم بهدوء
سيب الحساب دلوقتي نزل فطار....
نفذ العامل طلبه ونزل أكل كتير واتكلم ادم بهدوء وامر
خلصي فطار عقبال ما اخلص المكالمة....
جت تتكلم مناعها واتكلم بغيظ
مش عايز مناهده افطري الأول بعدين نتحاسب....
قام وسابها شويه لحد ما خلص المكالمة وابتسم انها سمعت كلامه بعدين حاسب وخدها ومشي...
_كريم كلمني لأنه مشغول ف الشغل وقالي اطمنه عليكي لما اوصل وانا بلغته إنك بخير.....
سكتت بهدوء وهي بتبصله لحد ما وقف ف مكان من الواضح انها عياده...
_أنت هتوديني علي فين..
_متخافيش مش هخطفك يا ملك...!
حاسة أنه قاصد يسخر عليها بكلامه ف دخلت معاه بهدوء عند الدكتور لحد ما اتكلم وشرح للدكتور حالتها والصداع اللي دايما بتشتكي منه والتعب اللي بيجلها من صغرها..
جبلها العلاج وركبوا العربيه ومشيوا كانت قعده سرحانه قدام شباك العربيه ونفسها تبكي لكن مش قادره...
لاحظ هدوئها وبصها لبعيد ف فهم انها مضايقه
اتنهد بتعب ووقف جبلها العلاج...
_هعمل اي حاجه بس مش هاخد حقن انا بخاف من الحقن....
_ملك التعب بيزيد عليكي من صغرك وكنت ماشيه كويس علي العلاج ليه بطلتي...!
افتكرت حاجه وبصتله وسكتت لحد ما الدكتور جهز الحقنه لكنها رفضت رفض تام...
حاول يهديها شويه ويكون لطيف معاها لحد ما تاخدها
ملك هاتي دراعك ومټخافيش..!
لا مش هاخدها....
مسك ايدها بهدوء واتكلم بحنان كبير
ملك هاتي ايدها وخليكي واثقه إني مش هخلي حد يضايقك...
هديت شويه ورفعت دراعها بهدوء وغمضت عينيها بسرعه من الخۏف لحد ما مسكها تاني بحنان كبير خلاها تحس بالأمان اللي اتحرمت منه بقالها سنين
خدت الحقنه من غير ما تحس ب الۏجع لكن كان ۏجعها أكبر وهي بتعاتبه بعنيها أنه سابها ومشي واتخلي عنها ببساطه جدا....
خلصت وخدت العلاج ووصلها لحد البيت واطمن عليها ف اتكلمت بغيظ كبير جواها حايشاه بقالها فترة
ليه!!!
وقف فجأة وفهم سؤالها لكنه حاول يسيطر علي مشاعره واتكلم ببرود
ملك خشي ارتاحي انت تعبانه والكلام هيتعبك اكتر....
اتكلمت بعصبية ودموع جواها
انا فعلا ممكن اتعب اكتر لو مجوبتنيش علي سؤالي يا ادم...
مش انت اختارت تبعد وكرهتني وبقيت بالنسبالك مېته ليه رجعت تاني وببساطه بترجع كل حاجه حلوه عشناها سوى!!
ليه مصمم تثبتلي إني مش هعرف احب تاني من بعدك وإن كريم حتي لو صحبك بس مستحيل أنه يحل محلك...! انت ليه اناني ومش بتحب......
اضايق جدا من كلامها ومسكها من دراعها بعصبية كبيرة وعيونه اللي نزلت بدل الدموع ډم من الڼار اللي جواه
كملي مش
